Juicy叮|租客擅黏牆紙單位3年變又殘又霉 業主欲扣按金惹爭議

港聞
更新時間:15:35 2021-10-16
發佈時間:14:36 2021-10-16
租客僅3年時間就把單位弄得殘舊,業主要多花過萬元翻新。討論區親子王國網民圖片
租客僅3年時間就把單位弄得殘舊,業主要多花過萬元翻新。討論區親子王國網民圖片
有網民在網上討論區「親子王國」發文,稱一名港人租客近日退租後,才驚覺單位被弄得又殘又舊,大吐苦水可否扣按金。不過有人質疑,業主提供的「事前照」與「事後照」有出入,質疑業主講法的可信性。

業主指,前一位租客退租時單位情況良好,新租客2018年租樓時因單位沒有重新上油漆所以每月少收1000元租金,近日租客退租後發現對方自行黏完牆紙,剷走了全屋一個個褪印,有一邊牆嚴重發霉。業主之前不知道租客擅自黏貼牆紙,又會導致牆身損耗,師傅解釋是黏牆紙的膠水導致牆身發霉。雖然業主本身已預算要找師傅重新上油,但無預情況如此嚴重。

業主又發現,租客用類似錫紙把廚房的地櫃包裹表面,原來遮蔽了部份發霉崩爛的位置,有幾隻櫃門又用貼紙黏住,廚房的磚牆又被人貼滿牆貼。業主不滿,如果租客有通報廚房地櫃有問題則早已維修,現在被迫整個櫃替換。
租客僅3年時間就把單位弄得殘舊,業主要多花過萬元翻新。討論區親子王國網民圖片
租客僅3年時間就把單位弄得殘舊,業主要多花過萬元翻新。討論區親子王國網民圖片

業主稱,師傅原先報價大約5000多元,現在要1萬多、2萬元,大幅超出預算。業主抱怨,「咁情況之下,請問我有無權要求扣按金呢?我從來無試過有租客住到咁退租交樓」

業主又強調並非無良業主,稱「舊年佢話疫情下影響收入叫我減租,我又應佢要求每月減$500維持半年,我絕對係有商量之人。...間屋情況實在可以話慘不忍睹,其實廁所都有問題,門框同接門都要換,不過我覺得屬自然損耗我樂意自己搞唔提出啫。」

有網民稱,「一係叫佢還完油牆,一係我會扣錢,無可能咁樣交樓。其實佢自貼牆紙要得你同意」、「黏牆紙...呢點,老實講,未試過有租客會咁,根本唔寫都知,唔可以黏架喎!...本身雙方交匙交屋時,點會預租客自行黏牆紙呢。預咗牆一定係會損耗,租客點計都唔應該黏牆紙囉,有問題要聯絡業主喎!」

不過也有人認為,「其實如果佢好收租,又住咗3年,中間又冇煩你。而租之前間屋都唔係好樣,我就唔會扣錢了。作為業主見到自己間屋咁一定心痛,但好老實,3年前你租畀佢,你都無返新過先租,咁計埋你前前租客,至少都5年貨啦,都預咗要大執一次。」

也有人質疑,發文者提供的照片是否真的涉事單位原先的情況,「覺得樓主畀出嚟嘅出租前後相有疑點」、「廚房水龍頭上面個窗, 一張相係有幾吋嘅窗台位,而另一張相的而且確係無窗台位嘅。」、「個窗台3年間不斷自動加長縮窄,當年可以放雜物,同隻窗差唔多長度。3年之後變窄咗,放唔到嘢,仲長過隻窗幾吋。3年前櫃門離地至少3吋,3年後又生到差唔多掂地」

帖文轉載自「急問~租客攪到間屋好殘,可以扣按金嗎?」
業主指前一位租客退租時單位情況良好,但引來網民質疑可信性。討論區親子王國網民圖片
業主指前一位租客退租時單位情況良好,但引來網民質疑可信性。討論區親子王國網民圖片

業主指前一位租客退租時單位情況良好,但引來網民質疑可信性。討論區親子王國網民圖片
業主指前一位租客退租時單位情況良好,但引來網民質疑可信性。討論區親子王國網民圖片