Juicy叮｜丈夫欲燭光晚餐怨忘拍拖紀念日妻：不如跟埋朋友去打邊爐

港聞

更新時間：20:16 2021-10-23
發佈時間：19:49 2021-10-23

有網民抱怨妻子忘記拍拖紀念日，還叫他去跟朋友食火鍋。示意圖片

老夫老妻自然無情趣？有網民抱怨，日前原本想與妻子慶祝拍拖周年紀念日，結果妻子完全忘記這回事還約了朋友去食火鍋，反問丈夫「你諗住一齊去？」

網民在「香港討論區」發文指，大前日是他和妻子的拍拖周年紀念日，還特地請了半天假打算回家煮飯，煎牛扒炮製燭光晚餐給妻子一齊慶祝。

網民稱，平日不時加班所以妻子有時都會返娘家食飯，所以他當天就預先通知妻子問對方何時下班，有時我知嗰日可以準時走就會預先同佢講。結果妻子以為他去接她就説：「我今晚約咗班朋友去A度打邊爐喎，你諗住一齊去呀？」網民相當無奈，「真係好彩有打畀老婆問下佢幾點收工，如果唔係返到屋企煮好晒先知佢唔返嚟食就真係成碌葛咁，唔通一個人食兩碟咩…」

之後網民就提醒妻子當日是拍拖周年紀念叫對方回家食飯，豈料妻子說：「唔呀，好難得我哋先約得齊班朋友去打邊爐，人哋都可能買晒嘢啦我點推人姐？不如你跟埋我一齊去咪得囉，我哋又可以一齊食，我又唔使推咗佢哋。仲有呀，婚都結埋啦仲慶咩祝拍拖周年姐？我邊記到咁多紀念日呀？」

網民不忿，妻子不但忘記了拍拖紀念日，「仲要嬲咗我點解要慶祝拍拖紀念日…而今晚我就要跟埋佢上去朋友度一齊打邊爐…唉，點解我有心記紀念日都係錯呀？」
有網民留言說，「男人結埋婚仲記埋哩啲拍拖周年，成個女人咁」、「婚都結埋就平常心啦...老虎唔記得好正常...記得你仲驚」、「我從來唔記呢啲野，連自己生日都唔會興祝，但我愛我老公，平常心啦！」。也有人認為，「嘩，咁搞法真係好多紀念日喎」

帖文轉載自「我老婆唔記得咗紀念日…」