Juicy叮｜已婚女驚悉聯名戶口首期少5萬元怒揭丈夫擅資助小叔結婚

港聞

更新時間：20:41 2021-10-25
發佈時間：18:30 2021-10-25

女網民不滿丈夫擅自資助小叔結婚。愛回家之開心速遞示意截圖

有已婚女網民不滿，小叔私下遊說丈夫擅自動用將來置業的首期款項，資助5萬元作結婚用，最終一怒之下回去娘家暫住。

「香港討論區」一名網民發文指，丈夫的胞弟結婚，她與丈夫協商好送1萬元賀禮，但對方竟然瞞住她遊說丈夫資助他資助5萬元，而且丈夫還打算瞞住她了事。女網民稱，如果不是夫妻的聯名戶口突然減少了5萬元，她真的懵然不知。

她質疑，「你用自己錢我話知你，你用聯名戶口錢，係咪應該要講聲呢？」，又指該筆錢是將來買樓的首期儲備，差不多是一人儲一半，「因為仲儲錢畀首期囉，我每個月為咗儲錢，左慳右慳，難得生日先會去豪下，依家粒聲唔出拎走5萬，我真係嬲到喊呀」。她又反駁網民大方建議，「好多人只係話兩兄弟兩兄弟，咁你都要顧掂自己先幫人啦，依家佢細佬又唔係借錢，係資助呀，姐係送錢畀人使呀！」

女網民不滿丈夫擅自資助小叔結婚。愛回家之開心速遞示意截圖

有網民認為只是小事一樁，「一世人兩兄弟，有時唔計較得咁多」、「其實兩兄弟既嘢真係唔洗向阿嫂交代。最多都係老公要唔要向你坦白。如果老公要向老婆講，或等批准，唯一可能係財政係你管哂」、「我都係聯名戶口，但係攞果少少錢使乜同對方交代？何況又唔係攞啲錢去做啲唔見得光嘅事」。

不過都有網民就批評，「幫，唔係唔得，但係家用戶口嘅錢唔可以未得雙方同意就隨便用，一係就問埋你等你同意，一係佢應該用私己錢去幫。」、「佢細佬又好意思叫呀哥資助結婚，結得婚都唔係細㗎啦」、「錢多少唔係重點，問題係男人結婚後一定是以自己老婆仔女為大。無論有兄弟姊妹幾親都好，婚前一家人，婚後兩伙人，依家佢咁樣資助另一伙人，日後妳有排煩」。

帖文轉載自「原來老公個細佬瞞住我叫我老公資助佢結婚」