Juicy叮｜兩餸飯店貼約章要員工講「請唔該」網民呻食客就奉旨無禮貌

港聞

更新時間：17:18 2021-11-04
發佈時間：14:41 2021-11-04

小菜外賣在疫情下崛起。示意圖片

兩三餸飯飯盒因為平、靚、正，隨著疫情及經濟低迷而崛起，有網民在facebook群組「香港兩餸飯關注組」，指某小菜店貼出服務約章，引來網民熱議。

網民上載圖片，灣仔某小菜店在員工一方櫥窗貼出通告，要求員工叫「靚仔、靚女、叔叔、先生、小姐」，又要「唔該前、唔該後」，通告又要「講前加個請字變請講」，「服務第一由我做起」。

通告引發網民熱議，有人稱，「此約章證明：兩餸飯行業進入戰國時代，脫離了唔休做階段。」有人就指，「乜唔係服務業都應該係咁嘅咩」。

有網民抱怨，「我做服務行業，十個客人九個吾會講吾該，成日要求服務人員點點點，自己卻冇禮貌」。有人就指，「禮貌係雙向，這通告是單向。」、「無禮貌又鬧人，有禮貌又覺得有陰謀，世界真係難撈」、「唔講以為畀啲客睇」

不過也有市民習慣講唔該，「我搭巴士小巴都會係上車或落車講句：唔該師傅一來人哋做司機，食飯同去廁所都好趕，甚至成日要忍，好慘；二來唔該佢將大家平安送到目的地，多謝佢哋。」

圖片轉載自「香港兩餸飯關注組」網民Andrew Wong圖片