Juicy叮｜港女帶細樽水行山行3分鐘嫌辛苦改搭車

港聞

更新時間：09:30 2021-11-12
發佈時間：22:31 2021-11-11

有港女行山嫌辛苦要坐車，更只帶一樽細裝水。《愛．回家之開心速遞》示意截圖

近日秋高氣爽是行山熱門季節，連帶許多平日甚少行山的市民都蠢蠢欲動。有男網民抱怨，最近跟女友去行山，女友行3分鐘樓梯已經嫌辛苦坐車上山頂，然後落山不足半小時已經飲完自帶的細樽水，連累他只能分半樽水給女友解渴。

在「香港討論區」有網民稱，女朋友突然之間說想行山，所以上星期六就跟她一齊行。網民自疫情開始都一直有行山的習慣，所以本身都不太擔心。

網民出發前還列出一個物資表給女友，千叮萬囑女友一定要帶齊行山用品，「點知佢只係帶支細水就行山」，他自嘲「雖然我覺得認為女人會聽人講嘢嘅我更神奇」。網民本身選擇新手最容易行的路綫，「點知佢一開始行下樓梯唔過3分鐘就話好辛苦，不如搭車上去」。

網民於是無奈地行落山再去搭車上山頂，「幫佢例牌影幾張網紅照打卡」，再慢慢行落山。「點知佢落山路行無半個鐘就飲哂自己支水，係咁問我拎水飲，最後搞到我要自己就住就住嚟飲」。最後網民只剩下半樽水自己飲用。

網民抱怨，兩人最後平安無事落山後，女友還要求他送她回家睡覺。令他得到教訓，「大家以後有咩事都唔好同女人行山，更加唔好認為女人會聽你講嘢……」

帖文轉載自「女朋友約我行山，但咩都唔準備......」