Juicy叮｜驚揭兒子扮補習拎錢拍拖港媽怒斥：要佢而家分手

港聞

更新時間：13:00 2021-11-18
發佈時間：12:10 2021-11-18

若孩子情竇初開，瞞家人拍拖應如何處理？一名港媽於討論區訴說指，其兒子主動問她拿錢補習，沒料近日竟意外撞破兒子與女友行街拍拖，及後始知原來兒子將補習的費用，買禮物送女友，港媽一怒之下掌摑兒子，並要求他立即分手。

港媽於「香港討論區」發文指，日前放工經過銅鑼灣時，意外撞見兒子與一名同行女生，身穿校服在街上吃雪糕，「但佢明明話放咗學要補習」，港媽見狀即拍下照片作證。待兒子回家後，港媽先向其套話，對方矢口否認，堅稱放學後有去補習，隨後她憤而拿出證據，兒子才如實招認，「佢呢2個月一直冇去補習，拎咗啲錢同女朋友放假去玩、買生日禮物！」。

港媽得悉真相後，一怒之下掌摑兒子，指責「我辛辛苦苦賺錢唔係畀佢咁做，仲要講大話呃屋企人」，更質疑兒子女友年紀輕輕就要求男友送上千元禮物，「女仔都應該唔係咩好人」。港媽又指，已要求兒子立即分手，惟兒子不肯就範，令她十分困擾，遂向網民詢問應如何是好。

貼文引起網民的熱論，有網民認為兒子故意瞞著母親，母子之間或已現問題，「會唔會係你平時管得佢太嚴，可能會有反效果」；亦有網民籲港媽亦從旁善導，而非體罰，「就算佢有錯你咁打佢咪一樣錯？好傷自專心」、「打佢一巴解決唔到問題, 只會令佢更唔鐘意你」、「引導比怪責有用」。

資料來源：香港討論區