Juicy叮｜塞車期間男司機聞咬鄰座女乘客腳趾惹側目

港聞

更新時間：23:13 2021-11-20
發佈時間：22:30 2021-11-20

如果有一日你揸車期間遇到塞車，喺「拉手掣」嘅期間你會做啲咩？今晚（20日）有網民在fb「筲箕灣西灣河關注組」群組上載一條短片及3張相片，拍攝時間及地點未明，片中所見多輛車輛因塞車而在馬路中停駛，其間一輛黑色私家車司機竟沒有戴口罩，面帶笑容聞鄰座女乘客的腳趾，當時男司機甚為享受，其後更輕咬對方的腳趾，非常肉緊，而女乘客亦不為所動，未有拒絕，僅把玩手上的iPhone。

事件在網路上瘋傳，有網民認為非常嘔心，甚為重口味，甚至笑言司機是否等車等到太肚餓，「聞一聞好醒神，索一索舒筋活樂」、「好污糟呀」、「條女點樣擺隻腳上去個司機度呀？」、「可能係個司機自己隻腳嚟，練緊瑜珈」、「塞車黎講，呢招可以止眼瞓又可以解悶」。不過，亦有網民認為司機雖然在等候期間，但仍不能分心，「一心兩用，唔怪得咁多交通意外」、「危險駕駛呀」。