Kelly Online｜譚詠麟桃色風波抽水潮持續譚仔：粉絲唔好亂食

港聞

更新時間：10:57 2021-11-27
發佈時間：09:29 2021-11-27

「校長」譚詠麟桃色事件繼續激發商家創意抽水！米線店「譚仔雲南米線」發文指「米線可以日日食，粉絲唔好亂咁食」，引起網民熱議！

「譚仔雲南米線」昨晚在社交媒體Facebook發文，教一眾網民到「譚仔」食米線的攻略，包括「唔建議食粉絲，因為譚仔嘅湯底配米線先係世一（世界第一）」，以及「芫荽係要配皮蛋，豬手就唔係咁好啦」。文中亦提醒食客，「譚仔」員工即將換上新的綠色制服，又指店內並無波鞋換，只有「譚仔」雨傘換購，「不過就遮唔到醜啦」。

帖文引起網上一片笑聲，不少網民都指「譚仔」今次「跟得好貼」、「靚抽」，更紛紛表示「抽乾囇，以後無麻辣湯點算？」、「公關要升職加人工」、「粉絲唔怕食，最緊要知道點食最安全」、「笑到暈，配埋譚仔姐姐聲仲正」。