屯門一名男子騎單車期間,突然有另一名男子衝向他,並作勢用疑似相機腳架擊打單車。影片截圖
屯門一名男子騎單車期間,突然有另一名男子衝向他,並作勢用疑似相機腳架擊打單車。影片截圖

屯門一名男子騎單車期間,突然有另一名男子衝向他,並作勢用疑似相機腳架擊打單車,事件疑似另有內情,引起網民熱議!

男片主在社交媒體Facebook群組「單車靚景團」上載一段約5秒的車Cam片,指事發於今早8時許,他騎單車經過屯門西鐵及輕鐵兆康站之間的一個地面路口,突然有一名穿黃衫中年男子從斑馬線衝向他,並作勢要用摺起的相機腳架擊向其單車,更爆粗大喊「你頭先差啲撞X到我呀!」。幸好男片主及時減慢車速,並稍稍將單車扭向另一邊,才未有釀成意外;他事後在帖文中標註「#踩車比人打係日常捱唔到就唔好出車」,疑似有被該名男子擊中。



影片引起網民熱議,不少人都認為當時片主的情況很危險,「你真係好勇喎,如果佢真係扑落嚟,咁咪好大鑊」、「車cam的重要性」、「(應該)報警或落車保護自己,佢咁樣對其他人都好危險」。不過亦有網民懷疑事件有前因後果,「佢話『頭先爭啲撞到我』,咁照道理應該有前傳」、「係咪樓主你喺佢身邊飄過,冇hi到佢但係嚇親佢,跟住你返嚟現場見佢未走,但係佢獵定架撐招呼你?」。

資料來源:「單車靚景團」FB