有港男在fb群組發文,貼上自己第一次煎魚的成績。網上圖片
有港男在fb群組發文,貼上自己第一次煎魚的成績。網上圖片

大家是否記得第一次入廚的經歷?日前一名港男在fb「大埔TAI PO」群組發帖並上載兩張照片,指「人生第一次煎魚」,要求各位網民給予建議。相中所見,該條魚雖被人「煎皮拆骨」,魚皮癡在鑊上,但仍保留整條魚形,魚肉沒有散開,亦沒有被煎燶。

多名網民看畢後紛紛大讚港男第一次入廚,已表現出色,呼籲他要繼續努力下去,「我做咗廿幾年『煮婦』都有時煎到爛哂,你第一次煎已經好叻!加油,唔好畀今次打敗自己,努力試多幾次」、「仲見到係條魚嘅形象,都不失敗」、「你算有potential,唔係個個做到去皮唔去肉」、「大成功,起碼仲見到係魚,加油」。另外,亦有人笑指港男煎魚煎到去皮,功架應該少不了,「幾好,唔燶又去皮」、「魚有魚形仲貼心地起皮另上,優秀」、「廚藝太過高超」、「要煎到咁徹底,都唔係易,難過葉師傅入龍捲風中路」、「正宗嘅煎皮拆骨,好毒辣呀」、「技術有待改進,剩係得甩到啲皮,下次試吓甩埋啲骨,要甩皮甩骨先合資格」。

不過,亦有網民真心教路,指煎魚需要將鑊先清理乾淨,待鑊變熱後才下油,「魚要小小食鹽,先醃,抹淨水份,咁就一定得」、「下次先落少少油熱咗,加多少少凍油再放魚,冇咁易痴鑊,當然煎魚唔好炒魚啦」。

來源:大埔TAI PO

有港男在fb群組發文,指自己第一次煎魚。網上圖片
有港男在fb群組發文,指自己第一次煎魚。網上圖片
該條魚被煎至「煎皮拆骨」。網上圖片
該條魚被煎至「煎皮拆骨」。網上圖片