Juicy叮｜指巴士男伸手太前疑欲摸胸港女投訴反被鬧：使鬼摸你

港聞

更新時間：22:29 2021-11-30
發佈時間：14:39 2021-11-30

扮瞓非禮？有港女指，早前乘坐巴士時突然感到手臂有奇怪觸感，發現後座男子將手伸到其胸部旁邊，她嚇得即時縮開並開聲質問，本來一直在「沉睡」的男子其後即醒反駁「使鬼摸你」，令港女質疑「係唔小心定有心」！

該名港女在社交媒體Facebook群組「屯門公路塞車關注組」圖文並茂，指昨晚（29日）乘坐巴士由旺角返回屯門，期間坐入面位置的她一直在按手機，手部微微舉起，胸部則貼近窗框。不過當她將手臂放下時發現有奇怪觸感，向後看時發現後座男子閉上雙眼，但手則伸到她旁邊，她遂「即刻縮開」，並影相拍片再「出聲話佢」，惟男子沒有反應，繼續「瞓覺」。

樓主拍打男子的手「話佢整到我」，對方這才縮手並繼續低頭睡覺，期後樓主起身調位時則再投訴對方伸手向前摸人，此時男子即有反應，「佢前一秒瞓得好冧，後一秒佢即醒」，並反駁「使鬼摸你」。樓主又補充，男子由始至終都是一個人坐，並將膠袋放在旁邊座位，又質疑其舉動「係唔小心定有心呀嗱？或者咁講，咁整到人有冇禮貌㗎？」

帖文引起網民熱議，不少人都指該名男子的行為有古怪，「佢隻手咁擺令人好不安」、「肯定係有心啦，無事無幹咁坐舒服啲咩」、「咁既姿勢，扮瞓先會熟睡」。不過亦有人認為樓主冤枉錯人，「坐巴士真係慘，可能人地想坐入啲（廢事比人公審抽出面條友水），唔想同坐出面果個有碰撞，放隻手放窗框度，點知又比坐前面果個公審」、「你唔係以為佢想摸你呀，你諗多咗了」。

資料來源：「屯門公路塞車關注組」FB