有港女聯絡店主「平讓」早前免費獲得的輕婚紗,更要求店主封返利是。unsplash圖片(示意圖)
有港女聯絡店主「平讓」早前免費獲得的輕婚紗,更要求店主封返利是。unsplash圖片(示意圖)

不少新人完成婚禮後,會平賣或免費送出結婚物資等,以免造成浪費之餘,亦可將幸福傳承。不過,最近就有婚紗店以「奇文觀賞」為題發文,指有港女聯絡店主「平讓」早前免費獲得的輕婚紗;對方透露,原物主曾表示該件婚紗原價1,250元,而她「冇洗過但只係著過一次」,希望以「幸福承傳意頭價1,288」出售,更以「我99(奶奶)怕賣結婚用品唔太好意頭」為由,要求店主封返利是!

本來事件已非常離奇,怎料之後有更戲劇性發展:原來當初將該件輕婚紗免費送予該名港女的,正正就是店主本人,而且原價絕非所說的1,250港元,而是1,250泰銖,即約290港元;店主指店內不會收購二手婚後物資。事件隨即引起網民熱烈討論,不少人都狠批該名港女,「幾cheap都有」、「叫佢留返下次著啦」,亦有人建議店主應該約對方當面交收,再「篤爆」對方。



事後,店主再發文指,收到疑似該名港女的丈夫來電,指責店主「公審」,「話送咗畀佢哋就屬於佢哋,又話我哋開到咁平價都唔捨得收購都算,連利是呢啲畀新人祝福心意都吝嗇仲要放大嚟講,仲話件衫喺泰國買咁平都拎得出嚟送俾人擺酒店結婚用,當人咩之類」。店主就解釋,港女免費獲贈婚紗,卻要比原價更貴的價錢賣出,做法不當,又指為確保質素來源及基於衛生問題,絕不會收購任何婚後物資。

資料來源:「慧子婚紗 Mrs. Tse Bridal」FB

FB圖片
FB圖片
FB圖片
FB圖片