Juicy叮｜港女路中心落的士追巴士網民：追巴士緊要過自己條命？

港聞

更新時間：22:43 2021-12-01
發佈時間：21:28 2021-12-01

為咗追巴士，你會去到幾盡？網上流傳一段長約20秒的片段，片中顯示事發日期為上月26日下午1時34分，片段中一架紅的沿旺角洗衣街行駛，至快富街路口附近時，一名身穿白色短袖上衣的女子突然在路中心衝落車，其間跑上行人路時更一度差錯腳，幾乎跌倒在地上。該名女子「一仆一碌」地跑到附近一架67x巴士，不停拍打車門，要求車長開門，片段到此完結，因此未知道車長最後有否開門。

有網民看畢片段，認為女子為追巴士「連命都唔要」，非常誇張，「追上巴士緊要過自己條命？」不過亦有多名網民認為她可能是遺留重要的東西於巴士，所以才會如此心急追車，「似係漏咗嘢或者搵人」、「如果係漏咗嘢，點解唔係去下一個站上車」、「睇架車個走勢係啱啱總站開出返屯門，到底佢係幾時漏咗嘢？」。

《公共巴士服務規例》規定，巴士司機應將其巴士停在巴士站，任何人無合理辯解而違反即屬犯罪。