Juicy叮|趁兩食客埋首「填紙仔」 無品客速掃「安心」搶先入座捱批

港聞
更新時間:17:05 2021-12-06
發佈時間:15:15 2021-12-06
為防食肆爆疫,港府規定市民進入食肆前須選擇使用「安心出行」或「填紙仔」登記資料。有網民於社交網投稿指,早前與同事外出用餐時,看到兩名年輕人正「填紙仔」,遂與同事掃「安心出行」先進入餐廳,惟對方見狀立即制止,該網民批評對方填表需時,事件引起熱論。

該網民於facebook專頁「公務員secrets」投稿指,早前與同事外出用餐,見到兩名年輕人正「填紙仔」登記資料,遂與同事掃「安心出行」先行入座。該兩名年輕人見狀立即阻止,「我哋排隊先㗎喎」。樓主則指自己已進入店門,準備好理應先入座,對方雖表示正填寫資料,惟樓主反駁,「即刻話如果你寫成個鐘,係咪要成條村人等你成個鐘呀?」。

樓主續指,兩名年輕人聞言後頓時沉默,「無聲出,眼超超咁款」,此時同行同事亦幫腔指,「快就掃QR code囉!」。最後兩人沒有未有理會年輕人的反應便進入餐廳用餐。

帖文引起網民熱論,不少人批評樓主的行為與「打尖」無異,「打尖都咁理直氣壯」、「就算佢係寫得慢,一係等侍應問一問前面個人可唔可以畀你入先,一係前面個人決定讓你入先,否則你自把自為就係打尖」、「如果前面嗰個唔係後生仔,而係老人家,拎部電話出黎,但唔識用,掃極都掃唔到個code呢?咁係咪先掃完先入,唔使排隊」。

資料來源:公務員secrets