年夜飯全取消酒樓退30萬訂金 梁文韜:空少走去飲茶搞到咁大鑊

港聞
更新時間:21:18 2022-01-06
發佈時間:21:18 2022-01-06

政府明日開始禁止晚市堂食並收緊每枱食客人數至2至6人。大榮華酒樓兼大榮華圍村菜負責人梁文韜接受本報訪問時感嘆損失慘重,退了30萬訂金,指突如其來的措施打亂了陣腳。

 

大榮華酒樓一晚取消了20張酒席訂單。
大榮華酒樓一晚取消了20張酒席訂單。
大榮華酒樓一晚取消了20張酒席訂單。
大榮華酒樓一晚取消了20張酒席訂單。


食神梁文韜「韜哥」在灣仔吏釗域道開設大榮華圍村菜,指開舖十多年,他直言,「捱咗咁耐喇希望有啲轉機,宜家又陷入谷底喇。」酒樓的年夜飯全部取消,昨日一晚只做3枱生意,「噚晚真係最淒涼,一晚退咗20幾張單」。他指市民過年打算食得豐盛一點,很多人預訂8000元一圍酒席,結果昨晚就已經退了10圍1萬元酒席。

不過他指一定要遵從政府防疫坦言是無辦法,「如果個個都唔遵從;個社會咪亂曬龍囉。好似嗰個空中少爺咁,應該隔離就無事,你就走出去同老竇飲茶,咪搞到咁大鑊囉」現在事情已經發生一定善後,滿不滿意是另一回事,最重要「擺平個鑊」,希望疫情快點過去。

他慨嘆,最近酒樓生意有起色,結果一晚就全部廂房酒席取消,而老闆的損失最多,「點到伙計擔心,最多咪遣散,都係老細慘。捱左三年,又黑暴又疫情」。

立即下載 | 全新《星島頭條》APP : https://bit.ly/3yLrgYZ