Juicy叮|幼兒嚎哭15分鐘接鄰居投訴憂虐兒 家長:可否投訴返佢滋擾

港聞
更新時間:15:53 2022-01-10
發佈時間:15:53 2022-01-10

近日虐兒事件頻生,有網民在「香港討論區」發文,抱怨樓下鄰居多管閑事,聽到小朋友的嚎哭15分鐘就向管理員投訴是否虐兒。

發文者說,某日上午11時左右,育有2歲小朋友在家中哭鬧,哭了一段時間,大約15分鐘後大廈管理處就有職員詢問,稱有人投訴單位內是否有人虐兒,要多關心小朋友。發文者又稱,樓下居民已經不是第一次投訴噪音,之前小朋友嬉戲時笑得大聲,又曾投訴要求將聲量收細。

發文者認為,自從從低層搬家至較高樓層後,下一層的居民就不時投訴,以前都無人投訴過。「我哋係咪可以投訴返佢哋,成日投訴嚟滋擾我哋。」

發文者又認為,「小朋友扭計喊好正常囉,唔通下下一喊就去氹佢,我哋好難教囉,又唔係凌晨喊,下次係咪可以叫佢哋直接報警睇下我哋係咪虐兒。真係好煩呢啲鄰居。」發文者又說,「我小朋友喊時間唔長,根本唔大聲,去到差館我係咪可以告佢誹謗,佢話我虐兒...一個月幾次投訴我覺得我都受到滋擾了。」

不過網民留言指出,「就算警察得閒,無見到實質證據,都唔會因咁少事帶你返差館,而誹謗係民事,要你自己私人搵律師告。可能人哋係通宵工作,就係被你小朋友大叫幾聲嘈醒瞓唔返,然後無精神工作,人哋覺得受滋擾,有權向管理處投訴,而你多多少少的確有滋擾到人,唔投訴你係人情,投訴你係道理,你有唔啱在先仲想反告人誹謗,我真係唔知乜道理」、「其實嘈唔嘈真係唔係你話,當家家戶戶都無呢個問題,淨係你有呢個問題,嘈嗰個一定係你。」、「鄰居睇唔到你小朋友做乜喊,仲係唔止一次半次,佢哋以為你虐兒先通知管理處。」
 

帖文轉載自《隔離投訴小朋友喊

立即下載 | 全新《星島頭條》APP : https://bit.ly/3yLrgYZ