林鄭棄選｜卸任過平民生活不易 無銀行戶口無信用卡
發佈時間：08:25 2022-04-05
特首林鄭月娥昨日宣布不競逐連任，全城立即「估領袖」，猜想有誰會出來競選。人未走茶先涼，有口痕友就開始關注，林鄭一家日後的棲身之所。林鄭卸任特首，意味不能再住在禮賓府，但根據行政會議成員個人利益登記冊，林鄭與丈夫林兆波在港並無物業，咁即係一定要先搵個居所落腳。
根據○五年制定的「香港特區行政長官報酬及離職後安排獨立委員會」報告書，特首離職後仍可享有前行政長官辦公室、終身醫療及牙醫福利，還會有「G4」保鏢服務、汽車及司機，但就不包括住所。
即是說，林鄭若離任後仍然留港，就要先物色居所安頓。但無論買樓定租樓，都需要使用銀行服務。眾所周知，林鄭目前仍遭美國制裁，沒有銀行戶口，信用卡亦欠奉，理論上無法承做按揭，倘一筆過付款，一個市區四百呎單位，閒閒地五六百萬元起跳，就算可以申請首置，最多獲豁免百分之十五從價印花稅，但仍要支付百分之三點七五第二標準稅率，咁咪即係要拎好大疊現金去畀錢？為官數十年的林鄭，一直住慣半山、山頂宿舍，就算○七年做發展局局長，租住的也是大潭陽明山莊，如果要買返這級數的住宅，嚿錢仲大，諗吓都覺得有趣！不過，以林鄭月薪逾四十萬計，儲儲埋埋的現金都應該唔少，睇怕唔會唔夠畀！
如果不打算在港居住，林鄭大可以去大灣區定居，據申報顯示，林兆波在中山有一個住宅單位連車位，如果在港無法置業，都是一個不錯選擇。
至於卸任後，有乜工可以做呢？根據前任行政長官及政治委任官員離職後工作諮詢委員會規定，林鄭離職後第一年，不得接受任何聘任工作。之後兩年，無論是境內或境外聘任，都要先諮詢委員會意見。至少要離職三年，才可不經諮詢委員會，接受包括中央機構或特區政府委任、慈善、學術或其他非牟利機構的委任，以及非商業性質的地區或國際組織委任。即係話佢至少要坐多一陣先可以再展拳腳，咁先找一間舒適的居所，應該是她卸任後首務！
《星島日報》維港會
