Juicy叮｜丈夫兒子無意上繳 港媽：屋企大家有份點解要用我消費券
更新時間：21:27 2022-04-08
發佈時間：21:27 2022-04-08
發佈時間：21:27 2022-04-08
字體大小
政府第一期5000元消費券已經發放，不少市民已經出動購物。但有網民在「親子王國」討論區發文，稱丈夫及兒子都無意上繳消費券，令網民大呻家庭開銷大家有份「點解要用我啲消費券」。
發文者指，去年丈夫有轉帳5000元給她買餸，今年派10000元但丈夫還未有表態，至於兒子就說「等佢買咗iPhone，有剩低就請食飯喎！」發文者說由於兒子是第1年收錢就置之不理。她又說，還未把訴求講出口，丈夫上次自行轉帳給她，所以多等2日觀察。
消費券發放後市民到電器店選購電器產品。
有網民留言說，「自己都有消費券，點解要貪埋老公同個仔嘅呢」、「點解要睺住人哋啲錢？我無諗過要老公同女啲錢，個仔未夠十八歲，直情無」、「樓主好貪心，自己都有，仲要吞埋人地果份，仲要用(畀返) 呢個字眼，欠咗你咩，咁你自己嗰份又會唔會畀返佢哋呀」。
發文者反駁，「唔好講睺住咁難聽！家庭開支大家有份，咁點解要用我啲消費券買餸？換爐？屋企一向係共產，老公大部份人工係交畀我架！...我無貪個仔錢，我由佢自己使！但老公應該唔畀晒都畀一半我啦！」
消費券發放後市民到電器店選購電器產品。
消費券發放後市民到電器店選購電器產品。
不少網民質疑，丈夫都要繳付家中的資金，發文者還對消費券虎視眈眈，發文者就形容其家庭是「共產家庭」，堅持那些生活費算不上「家用」，「一直無家用，2公婆有返工，只係我負責財務啫！如果靠佢份人工可以養起屋企，仲有錢儲先叫家用！」、「（丈夫交的錢）養唔起屋企，邊可以叫家用呢…只係叫共同分擔屋企開支」。
有網民就認為，「各自錢銀各自用，呢筆錢係額外嘅，自己用自己嘅唔需要上繳，點用都可以，大家都開心」、「如果無消費券，之前你哋都生活如常，平時屋企佢又貢獻咗大部份人工。咁今次$5000咪佢有佢用，你有你用，大家各自買心頭好，一齊開心，對家用無影響㗎」。
立即下載｜全新《星島頭條》APP：https://bit.ly/3yLrgYZ
