車Cam直擊｜黑狗誤闖新田公路亂跑眾司機幫手成功攔截

港聞

更新時間：10:23 2022-05-02
發佈時間：10:21 2022-05-02

新田公路發生好人好事！網上流傳一段車Cam片，當中顯示昨日（1日）中午12時許，有途經白色私家車司機發現有一隻黑狗於上址遊蕩，遂落車欲將其引導到安全位置，怎料該隻黑狗「越叫越走」，司機立即跑回車上開車追上。此時，後面數輛私家車及的士都相當有默契，從右夾擊將小狗迫到一旁，之後小狗「攝車罅」跑到道路右邊，各私家車則立即靠右將其圍住。

影片最後用黑底白字顯示，該隻黑狗已由愛護動物協會成功接走，又指「感激所有熱心人」。影片引來大批網民讚好，不少人都表示「祝路上平安，香港人好有愛」、「一眾車主好齊心！」、「香港人咁有熱情，咁有愛心，抵讚」、「好感動」。有人認為政府「相關部門應該要閂好公路旁緊急門，防止動物誤進。同一地點我見過有野豬，嚟手就俾隔離架16噸撞死。」

有網民批評眾救狗司機的行為相當危險。影片截圖

不過有網民就認為，有份救狗的司機雖然「抵讚」，但在公路上橫衝直撞的行為非常危險，「好危險，大家救狗都要小心」、「完全唔識欣賞，隨時因小失大，天雨路滑成村人企晒落公路，一個司機收唔遲，較後嗰幾架死車真係多謝你班大愛X」、「其實係條公路咁樣趕狗係好危險！」、「喺高速公路，車來車往，好在沒有嚴重發生事故，後果誰來負責？愛狗不等於過份保護，都要顧及其他道路者安全」、「高速公路一個唔可以停車嘅地方竟然有班人打橫停快線都得。然後咁多人話香港人有愛點點點。真係好好笑！」

影片來源：「車CAM特警」

立即下載｜全新《星島頭條》APP：https://bit.ly/3yLrgYZ