Juicy叮｜疑酒樓死蟹當活蟹賣 港女中伏花$900食「霉」肉長腳蟹
發佈時間：21:00 2022-05-04
雖然一年四季都可吃到螃蟹，但如果出外食飯食到「死蟹」，便要打醒十二分精神。一名港女日前與家人外出到筲箕灣某酒樓食飯，並花近900元食長腳蟹，豈料上菜後竟發現蟹肉肉質鬆散，懷疑食了死蟹，於是上網發文向網民求教。
一名女子早前在facebook群組「筲箕灣人筲箕灣事」發文，指日前光顧筲箕灣某間酒樓，以268元一斤的售價，點了一隻2斤13兩的長腳蟹，連同加一服務費後為近900元。當她拆開長腳蟹後，竟發現蟹肉有鬆散，並非完整結實，於是向網民求助，「第一次食，想問下大家，新鮮長腳蟹啲蟹肉係唔係咁？」
事主指，當日曾向女經理反映問題，但對方指蟹肉正常，更反過來責罵她，之後卻又避開她，「佢話一批蟹買返黎，不能確定每隻蟹的質量係一樣…今日賣咗10幾隻蟹，得我1個投訴，咁言下之意係唔係只是我唔好彩，餐廳本身係無需負責」。
後來事主愈想愈激氣，認為蟹肉肉質非常「霉」，便繼續與經理理論，「到最後搵咗個高級經理出嚟，先問我要唔要換過一隻，但已經一肚氣，都冇心情食了，最後就減返隻蟹嘅錢，其他嘢就埋單走人」。
其後，事主又分享另一條短片，清楚見到長腳蟹撈上水磅重後，已在水桶內已一動不動，估計「可能本來就係死」，又指「以為啲蟹上咗水就係唔識郁。真係無經驗」。
事件引來網民紛紛留言，認為涉事酒樓的職員態度非常惡劣，食物質素亦非常參差，不會再光顧，「下次去其他店吃，要他們拎起隻蟹郁唔郁先買，咁樣做生意真離譜」、「擺明死蟹啦」、「幾百蚊酒店自助餐都靚過呢隻」、「一睇你挑啲肉就知唔新鮮啦，新鮮係連肉」。
翻查資料，螃蟹死亡後，蟹體帶有的細菌大量繁殖，並分解蟹體內含的組胺酸產生組織胺，組織胺引發食物中毒，讓體質敏感的人出現蕁麻疹、身體灼熱發癢、頭痛、嘔吐、發燒、面部潮紅、口腔黏膜、眼結膜充血、心跳呼吸失調等症狀。
立即下載｜全新《星島頭條》APP：https://bit.ly/3yLrgYZ
