Juicy叮｜準租客媽媽嫌住次頂層熱力向下傳唔好 網民：鳳凰樓先矜貴
更新時間：15:49 2022-05-07
發佈時間：15:49 2022-05-07
發佈時間：15:49 2022-05-07
字體大小
有網民的哥哥最近睇樓看中了一個單位，但媽媽嫌住次頂層「熱力向下走」，但有網民指住第二高層單位是「鳳凰樓」反而矜貴。
網民在「香港討論區」發文，最近哥哥與女友打算搬出去住，每個星期六都會跟女友外出睇樓，兩人原本心儀一個廿幾年樓齡大廈的次頂層單位，覺得價錢合理又處於九龍區。於是父母問起兩人睇樓進展如何，兩人就指基本上已經決定租住這個單位。
網民的哥哥最近睇樓看中了一個單位，但媽媽嫌住次頂層「熱力向下走」不好。資料圖片
不過發文者的媽媽就認為「住次頂層唔係咁好，日落之後啲熱力會向下走，到時最熱就係次頂層呢個單位」，叫兩人問經紀再下面幾層有否同一座向單位放租。發文者於是發文查問，「不過其實佢地都係夜晚先返屋企，日落之後熱唔熱真係有咁大影響？租樓定買樓係咪都應該要避免揀中次頂層？」
有網民指住第二高層沒有最高層單位這麽熱。資料圖片
但網民對講法都感到奇怪，「鳳凰層不是都趨之若鶩嗎？」、「鳳凰樓最值錢」、「頂層直接照射受熱, 應該會熱啲」、「新一代連鳳凰樓都唔知。」。也有人稱「未聽過熱力向下走」、「你阿媽喺邊度聽返來，熱力向下走」、「樓主阿媽有料到，創出物理新定律」。
坊間所謂「鳳凰樓」是指位於大廈頂樓對落一層的單位。至於「鳳凰樓」或「鳳凰層」一名之由來，有傳是因為鳳凰在中國古代文化的地位僅亞於首位的龍，故次頂樓又有「鳳凰樓」之稱；另外古代有「鳳凰無寶處不落」的説法 ，即是鳳凰落戶即代表該處「有寳」，價格有時候比頂層單位還要高。
帖文轉載自「住次頂層有問題？」
立即下載｜全新《星島頭條》APP：https://bit.ly/3yLrgYZ
