車Cam直擊｜送貨工人冒雨窄巷停車搬貨私家車響咹批擋路惹議

港聞

更新時間：12:33 2022-05-12
發佈時間：12:29 2022-05-12

位於珠江口以西的強雷雨區逐漸靠近，驟雨及雷暴近日持續影響本港，市民要冒大雨出門及工作。網上流傳影片，灣仔有送貨工人在窄巷停車搬貨，後面一輛私家車因不滿被阻礙前行而響咹，要求對方另覓地方停靠落貨，引起網民熱議！

有網民在社文媒體Facebook群組「馬路的事討論區」上載一段車Cam片，當中顯示昨日（11日）下午1時許，片主駕車駛至灣仔石水渠街10-12號匯富閣對開時，被一輛小型貨車擋住前路，只見一名「打大赤肋」的男子從車上落貨搬到左邊店鋪，全身被雨淋濕。

片主遂響咹希望前車讓路，男子聞聲後立即轉身走到片主車旁表示「喂師傅等一陣得唔得呀？唔好咇好無呀？」，片主要求男子將車停泊別處，指「（呢度）馬路嚟㗎喎」，男子即爆粗問「你褪入去做乜X嘢啫？」，片主則指「（我要）做嘢呀」，男子便表示「做嘢咪得囉，我都係做緊嘢呀」，遂回頭繼續搬貨。

影片引起熱議，網民反應兩極，有人認為片中小型貨車的確阻街，「落雨送貨有免死金牌」，又有人認為送貨工人的態度不佳，「其實片主輕輕呠咗一下啫，條貨車佬就上晒頭，太唔專業啦啩」。不過有大量網民則認為片主做法不當，「幾箱野，上落貨一陣，你咪當做好人」、「等陣洗死？又唔係阻你半個鐘」、「咁大雨，佢都算好聲氣，都係幾箱啫」、「地下兩邊都冇黃線，我都想知你告佢咩？告佢落貨？」、「你話佢阻住救火就話啫，佢啲貨一眼睇晒，落雨仲要走埋嚟叫聲師傅，咁都要搞人？」

影片來源：「馬路的事討論區」FB

立即下載｜全新《星島頭條》APP：https://bit.ly/3yLrgYZ