挨跌5萬蚊|大律師 :10歲以下小朋友無刑事責任 須證明有意圖始可要求家長賠償


小朋友挨跌價值逾5萬元「天線得得B」Laa Laa公仔的事件,引起各界熱議。大律師陸偉雄向本網表示,不同歲數人士有不同法律責任,若涉事小朋友年齡10歲以下,毋須承擔刑事責任;至於民事責任,則要視乎涉事者的年齡、教育程度及閱歷而定,一般年齡愈細,需要負責任的機會亦愈細,而且有關方面亦必須證明涉事者有意圖破壞物品或疏忽,才可能需要負責。

他表示,得悉涉事家長已向店鋪賠償逾3萬元,他建議家長可向店鋪要求退回部分賠償。

他認為今次意外店鋪亦須負上責任,因為店鋪明顯並無妥善安放展品,「佢一係搵圍欄圍住佢,加埋搵保安睇住佢,一係鎖死佢係地下,唔係就咁放佢地下,整個牌話請勿觸碰就算,小朋友都可能唔識啲字。」

他建議涉事家長向店鋪索取物品價值證明,「唔係佢話5萬就5萬」,並要求店鋪交代有否購買保險及要求店鋪分擔事件責任。

立即下載|全新《星島頭條》APP:https://bit.ly/3yLrgYZ