Juicy叮|坐港鐵遭鄰座女子手肘頂肚腩 港男:我係咪可以叫非禮?

更新時間:15:56 2022-06-06
發佈時間:15:38 2022-06-06

車廂座位擠迫,乘客之間撞碰時有發生。一名男網民於討論區發文指,日前乘坐港鐵時,整個車程都被鄰座的女子用手肘頂到肚腩,令他無法入睡,慨嘆若兩人性別調轉,「我係咪可以大叫非禮?」,引起熱議。

該名男網民於「香港討論區」發文指,日前乘坐港鐵9卡列車時,一名女子坐在其身旁一個空位,樓主稱為了保護自己,「我立即縮埋啲坐,費事話我掂到佢」,惟不久他感到肚腩被人用手肘「掂」了一下,「望一望原來係女仔喺度搵嘢,所以唔小心手肘掂咗我肚腩一下」。

樓主直言,當時沒有理會,「諗住由佢,繼續瞓覺」,豈料該女子竟「成程車係咁用手肘頂到我肚腩」,令他無法專心睡覺,無奈慨嘆,「如果我係女仔,佢係男仔,我係咪可以大叫非禮?」、「點解男女咁唔公平?」。

帖文引起網民熱論,有網民笑言樓主應減肥,「檢討下個大肚腩」、「相對論:你個肚腩頂佢手肘」、「當你個肚腩係咕𠱸」;亦有網民指,「你唔檢討下自己頂到人嗰下先好嘢,大家畀咁多車費,你佔埋人哋空間」!

資料來源:香港討論區