Juicy叮｜港鐵車廂西瓜滾動遭男客偷走 屯門街坊嘆：啲人貪心成咁
發佈時間：12:20 2022-06-10
人多擠迫的地方，小心保管自己財物。一名屯門網民於社交平台發文指，在乘坐港鐵屯馬線時，放在地上「8424」西瓜不慎滾走，惟當時她未有為意，及後獲乘客告知西瓜被一名男子取走，令她無奈慨嘆，「啲人可以貪心成咁」！
該名網民於faecbook群組「屯門友」發文指，當日晚上8時許搭屯馬線往屯門方向，位置為5號車廂的2號閘門，由於剛購買回家的「8424」西瓜太重，樓主遂用白色膠袋包裹，再放進藍色購物袋內並放在地上。
豈料列車抵達達朗屏站時，西瓜竟滾了出去，惟樓主當時沒有留意，直至天水圍站人群漸散後始發現西瓜不見蹤影。有乘客指西瓜被一名男子取走，正當樓主打算追上時閘門已關，大嘆「真係欲哭無淚，喺下一個站兆康站搭返車回天水圍搵西瓜」。
樓主指，原本以為該名男子誤會西瓜為失物，「有可能會攞個西瓜去失物認領處」，故立即客務中心查詢，對方卻表示沒有收到有關失物。樓主驚覺原來該名男子打算偷走西瓜，甚感不忿「真係無奇不有，啲人可以貪心成咁」。
樓主又指，特意在放工後買西瓜回家給小朋友吃，而且從荃灣西站到朗屏站也「夾足全程」，惟換位後一時大意便不翼而飛，「唔係錢嘅問題，只係好激氣個西瓜好重，只差一個站就可以攞返屋企，而俾人攞走了」。
帖文引起網民熱論，有網民亦替樓主感不值，「山長水遠拎到附近先俾人偷，好唔抵」、「真係咩人都有」；有人則認為樓主應小心保管自己財物，「西瓜咁大個放在地下，又唔睇實對其他乘客有潛在危險」、「自己財物自己管理，當係一個教訓吧」！
有網民稱當時亦在現場，指樓主西瓜在車廂內到處滾，影響其他乘客，「萬一有人睇唔到踩波車跌傷咗，咁責任又由邊個負責？」，並指有一名男乘客多次揚聲詢問，「個西瓜係邊個㗎」，惟一直沒有人回應，故認為樓主自己應負上責任，「自己冇好好看管自己財物，其實都要負返少少責任」。樓主其後亦承認自己都有責任，同時亦質疑該名男子為何沒有將西瓜交到失物認領中心？
資料來源：屯門友
立即下載｜全新《星島頭條》APP：https://bit.ly/3yLrgYZ
