28歲港大畢業女生終在日家好食懶飛拒搵工。istock圖片(示意圖)
28歲港大畢業女生終在日家好食懶飛拒搵工。istock圖片(示意圖)


常言道「養兒一百歲,長憂九十九」,一名網民於討論區發文指,其親戚女兒港大畢業後拒絕找工作,現時已28歲仍終日在家「對住部電腦,落樓行街,唔煮飯唔做家務」。親戚早期曾天天吵架著女兒找工作,惟最後已放棄,甚至給錢讓她報讀興趣班進修,引起網民熱論。

該名網民於「親子王國」發文指,其親戚一名女兒雖然港大畢業,但一直宅在家中不找工作,「就快30(歲),食屋企住屋企,無畀過一分家用」。他透露,他們是住公屋的基層市民,兩老做辛苦工,至於女兒現時已28歲、港大文科畢業,曾在寫字樓當公關,最長只做過2個月,「話返工唔開心,俾上司恰,之後就無再搵工」。

樓主指,當年親戚很自豪女兒考上港大,雖然兩母女關係很好,經常一起行街吃喝,唯獨談及工作相關即變臉,親戚原本對此感到氣憤,最後亦「鬧到死心」,惟無法狠心趕她出門。現時親戚已不再要求女兒供養及給家用,「仲叫佢唔返工就報下興趣班,畀埋錢佢」。

該網民指親戚女兒畢業後終日在家,「無畀過一分家用」。istock圖片(示意圖)
該網民指親戚女兒畢業後終日在家,「無畀過一分家用」。istock圖片(示意圖)

樓主續指,親戚近年生病,但女兒仍未打算搵工,「把口就話愛阿媽」,不過近日該親戚透露女兒第一次主動煮飯,「原因佢上星期煮煮下飯暈咗」。當樓主再追問其女兒是否打算找工作時,對方卻回應,「我唔會將希望寄託喺佢身上」。

帖文引起網民熱論,有網民批評該名女生是啃老族,「父母年紀大仲要辛苦搵錢繼續養佢」;有人質疑是被家人縱容造成,「呢啲都係父母縱容出嚟」、「試下父母唔畀錢佢洗,食都要佢畀返錢,睇下佢又會唔會唔做嘢」、「做父母適當時候要狠心地逼仔女成長」。

有網民則分享身邊類似例子,「朋友嗰仔都係港大畢業,屋企算中產,又係唔搵工,唔拍拖,話唔想阿媽養多個」、「我親戚35歲,之前港大讀算係『神科』,做咗幾年嘢就冇做,喺屋企量咗地三年,睇見都覺得可惜」。
親戚最後亦「鬧到死心」,已不再要求女兒供養及給家用。《香港愛情故事》劇照
親戚最後亦「鬧到死心」,已不再要求女兒供養及給家用。《香港愛情故事》劇照

資料來源:親子王國


立即下載|全新《星島頭條》APP:https://bit.ly/3yLrgYZ
星島新聞集團慶回歸25周年專題網站,請即瀏覽