網民不欲同事在午飯時分享聖經故事,想婉拒又怕破壞關係。unsplash示意圖片
網民不欲同事在午飯時分享聖經故事,想婉拒又怕破壞關係。unsplash示意圖片


宗教信仰是個人的選擇自由,正所謂道不同不相爲謀。一名女網民在「親子王國」討論區發文,指對宗教一向不熱衷,但同事有一日在食飯時候向她分享聖經故事,起初都不以為然,「一日半日其實當聽下佢講嘢」,但聽完一日之後,相隔兩日又去問她是否有空聽道,令她感到無奈,「我真心對那些故事沒太興趣」,於是向網民請教婉拒方法。

發文者解釋,「佢係我食飯既時候講 ,叫我一路食一路聽,我飯都食唔落 」,又指對方在公事上曾經幫助了她,「我第一次真係唔好意思推,因為佢幫過我,一星期一次我當幫下人,但佢隔日黎煩我。我只同佢講遲啲先,有嘢做,我唔知佢醒唔醒」。

有網民就說,「我會直接覆佢無興趣,等佢死心,佢再唔醒目,就飯都唔同佢出去食」、「你越唔好意思拒絕,半推半就,佢就會覺得有希望,覺得總有一日會感染你,而家只係你未夠了解……你要決絕啲,叫佢唔好再講」、「食飯時同佢講番公司嘢...同佢講,公司只係講公司事, 其他嘢唔想/唔方便講」、「首先多謝佢嘅分享, 然後表示自己工作了一天很想輕鬆安靜哋享受午餐, 最後話畀佢知如果有日自己想了解多啲再向佢請教。」

有網民就反建議,「同佢講返佛經,要長氣過佢」、「你同佢講佛經故事,阿彌陀佛,善哉善哉」。發文者於是說,「我有諗過擺個佛像係檯,但驚俾佢discriminate 我」。

有人建議,「咁不搵下有無第二份更好的工」,發文者於是說「唔會為佢轉工啦 ,佢又唔係老細,係老細就真係要走」。

帖文轉載點樣去婉拒同事向你傳道

星島新聞集團慶回歸25周年專題網站,請即瀏覽
立即下載|全新《星島頭條》APP:https://bit.ly/3yLrgYZ