Juicy叮｜「五無」中佬擁逾百萬積蓄 準備半退休做保安：有公屋真係人生勝利組
發佈時間：14:09 2022-07-30
不同人對於「人生勝利組」的定義亦有不同見解。一名40多歲的單身男子早前在網上發文，並指自己沒有妻子、子女、汽車、單位或學位，但有公屋及逾百萬元積蓄。他直言，「有公屋真係人生勝利組」，並計劃在目前工作的公司倒閉後，靠任職時薪50元的保安過活，並指唯一願望是「唔好有大病痛，唔好太長命，咁我之後嘅人生就會好舒服」。相關帖文隨即引起網民熱議。
該名網民早在網上討論區發文，指自己現時40多歲，「無妻無兒女，無車無樓無學位」，但有一間繳交1.5倍租的公屋以及逾百萬元積蓄。他形容，目前任職的公司正「吊緊鹽水」，計劃在公司倒閉後實行「半退休生活」，在住所附近尋找時薪50元的屋邨保安，以節省交通時間，而且「間中做下有少少收入， 夠我正常食住用，唔使用到老本」，並指亦可靠積蓄投資股票以圖利或定期收息。
他提到，有一名50多歲的朋友任職兼職保安，「月入$6,000，積蓄under 10K」，又指對方亦為公屋戶。他指，「我開頭都以為佢嘅生活會好拉鋸（編按：拮据），但原來當你唔係一個好物慾嘅人，佢生活都好好喎，得閒行下山，仲可以買下馬仔打下牌」。他認為，若人生有70歲， 首20年是讀書，隨後25年是工作， 最後的25年則應忠於自己。他續指，不少人為了子女而辛苦大半生，並要還兒女債、 做樓奴、 工作奴、 物質奴等，但他則認為即使可以賺更多錢，在死後亦無法帶走，「點解我仲要做到65歲退休?」他指，唯一願望是「唔好有大病痛，唔好太長命，咁我之後嘅人生就會好舒服」。
相關帖文隨即引起熱議，有網民認同他的想法，並指「錢夠使就好，當一家人為咗小小錢或家產而爭執，係好ugly」、「做人知足就ok，毋須與人比較，亦都唔好諗住依靠人，計好條數安排好就可以過自己想過嘅生活」、「樓主用自己方式達到自己財務自由，真心羨慕樓主」等。另有人則認為，「物價貴咗，都會臨老過唔到世」、「好多人只用現有生活使費去計好易出事，會通脹」等。
帖文來源：香港討論區
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ
