沙田之友FB圖片
沙田之友FB圖片


有兩子媽媽發帖分享港人愛心善行,該媽媽日前帶同分別為5歲半和3歲的兒子搭小巴,由於人多,5歲半兒子自己坐「單丁位」,誰知開車後,兒子竟「瞓著」,隨行車顛簸「個人不斷向左跌,個頭中來中去咁」,「頭搖又尾擺」險象環生之際,身旁女乘客竟好心伸手全程護著,不時托實,化身「護B天使」。

該位媽媽在本周一(8日)下午4點45分在荃灣街市街,和兩名兒子坐小巴去大圍火車站,她表示車上剩最後4個位,「一個近車門口嘅單丁位,然後仲有3個位,不過每個雙人位都坐左個人」,送她上車的朋友向在坐乘客問有無雙人位願意「調位」,等媽媽可以和兩個兒子一齊坐,但無人理會。

沙田之友FB圖片
沙田之友FB圖片

本來母子三人想落車再等下架,但突然下起大雨,遂決定上車,她和3歲兒子坐在司機位後面的雙人位,5歲半大仔則自己坐近車門口的「單丁位」。

誰料一開車,大仔就攰極瞓著,「然後個人不斷向左跌,個頭中來中去咁,發揮左頭搖又尾擺飄移境界之最高境界,我抱住同樣瞓著嘅弟弟,一直觀望住哥哥, 心驚動魄得很,可惜愛莫能助,只能夠密切留意住,準備一有異樣就搏過去保護佢。」
沙田之友FB圖片
沙田之友FB圖片
沙田之友FB圖片
沙田之友FB圖片

這時坐在大仔隔旁的一位女士,非常好心,全程伸手護住這小小的「不倒翁」,「托住我大B個頭,BB先無扭傷條頸,感激係8月8日下午4點45分,乘搭荃灣街市街去大圍火車站小巴這位女仕,一直用心留意住我大B個頭嘅動向,溫柔地輕輕托起,或扶正,或推回,用盡方法係唔吵醒大B的前提下,確保大B的安全。」
沙田之友FB圖片
沙田之友FB圖片
沙田之友FB圖片
沙田之友FB圖片

對於這位「護B天使」,媽媽坦言「衷心感激」,「我一直喜歡做沙田友,感到莫名的自豪感。」

網民們紛紛為這位好心女乘客點讚:「好人好事,媽媽一打二真心唔易。」「人間有情。」「人間有愛。」但有不少網民同時批評當初乘客無人願意調位:「而家啲香港人點解可以咁忍心見到一個媽媽拖住兩個細啲都可以唔調位畀人,但嗰位小姐亦都好好,慶幸佢保護哥哥,有時小巴轉彎真係唔知掟咗去邊。」「換個位有幾難,小朋友坐係門個位係幾危險既事,換位都咁難更何況係讓位。」「而家啲人真係好冇同理心,換個位唔難,行多步姐。」

來源:沙田之友FB

星島新聞集團慶回歸25周年專題網站,請即瀏覽:https://bit.ly/39AQC3m

立即下載|全新《星島頭條》APP:https://bit.ly/3yLrgYZ