車cam直擊|農曆七月長髮白衣女子踎路邊嚇煞司機 網民好心提醒:快啲去拜下神


農曆七月「鬼門關大開」,相傳會有大量靈體在人間遊盪,靈異事件大增。今日(14日)凌晨1時許,有網民駕駛私家車經過某屋苑時,見到一名身穿白衣的長髮女子蹲在馬路旁,非常駭人。司機其後將當時的車CAM片放上社交平台,惹來一眾網民熱烈討論,其中更有多人表示「睇唔到」,笑言樓主「時運高」。

有關帖文的主題為「農曆7月,呢位小姐係咪有啲咩問題」。片中所見私家車當時駛至一屋苑附近,當時行人路上未有任何人,但街燈未算昏暗,而屋苑大門前亦有保安看守。惟當私家車駛至迴旋處入彎時,突然見到有一名身穿白衣的長髮女子在行人路上抱膝蹲下,非常嚇人。

由於事發時正值農曆七月,不少網民被畫面嚇到,紛紛留言討論,其中多人笑言自己「咩都睇唔到」,呼籲樓主要驗眼,但亦人指出該名白衣女子「係跪喺地下喊㗎,唔係妹妹嚟」。雖然亦有網民估計白衣女子可能是雪糕筒,但有好心網民「提醒」樓主,「樓主有緣見到佢,仲畀你個cam影埋,快啲去做返啲功德,同埋搵師傅清一清身。你近排時運應該好低」、「你應該係去拜下神先好過」、「建議你去辟下邪」。

星島新聞集團慶回歸25周年專題網站,請即瀏覽:https://bit.ly/39AQC3m
立即下載|全新《星島頭條》APP:https://bit.ly/3yLrgYZ

私家車入彎時,一名身穿白衣的長髮女子(紅圈示)在路邊抱膝蹲下。
私家車入彎時,一名身穿白衣的長髮女子(紅圈示)在路邊抱膝蹲下。