有連登仔發文指弟弟執意與網友到泰國旅行,甚至不理母親的勸阻。
有連登仔發文指弟弟執意與網友到泰國旅行,甚至不理母親的勸阻。


近日爆出多宗被「賣豬仔」到柬埔寨等東南亞國家的詐騙事件,其中本港保安局更由今年1月至今累計共收到23名港人求助,情況令人關注。網上最近亦有多人爆料,指身邊有朋友或家人受高薪誘惑險墮入陷阱,幸及時醒覺才逃過一劫。有連登仔昨日出post分享,指弟弟與他口中「好熟」的網友前往泰國,縱使家人多番相勸亦冷淡回應,甚至「起晒鋼」表示:「我同我啲朋友好熟㗎!唔會呃我㗎!」

連登一名叫「喂乜咁啱嘅」網民昨日出post,主題為「我細佬準備同佢口中好熟嘅網友飛泰國」。他表示,畢業逾一年的弟弟平日遊手好閒,經常與網友或朋友在家中打機,又聲稱要立志做電競選手或者直播主,大約數月前,弟弟與網友計劃到泰國旅行,「講到話咩佢呢個網友喺泰國有識人,可以帶佢周圍玩,佢仲問我要唔要一齊去,話佢班朋友好welcome,我嗰陣就話咪搞我又唔係我嘅朋友,幾個星期前我細佬就買咗機票搞咗passport 。」

樓主指弟弟是家中的「寶貝仔」,對家人脾氣比較大,除了他全家人都沒有人出聲鬧弟弟。他見到近日台灣相繼出現與柬埔寨相關的詐騙新聞,甚至連香港都有受害者,於是好言相勸,希望他可以及早回頭,「我send畀佢睇,佢覆咗我一個『?』,我老母呢兩日睇到新聞,係咁阻止我細佬唔好去,但佢嘅反應都係訊息不讀不回,面對面講就起晒鋼咁。」根據樓主上載的相片,其母親更在訊息內表示「個個都勸我勸你不要去,個個係咁畀片我,我老了又細膽,媽咪心血少,咁辛苦養到你們咁大,真係唔想你哋有甚麼事」,但弟弟亦一概不回。

樓主又指弟弟曾向家人表示「我同我啲朋友好熟㗎!唔會呃我㗎!」、「係泰國都有朋友,驚乜?」、「已經買咗機票啦,唔通點,啊?」等,基本上油鹽不進,「呢幾日屋企就一定日日嘈㗎啦,我個角度係就算真係百分百安全都好,要個老母求佢唔好走,每日要提心吊膽畀佢去玩,未去到已經失哂眠,係我嘅話真係唔好去算…全世界都阻止緊,講到口都臭埋,不過佢心口寫住逆風而行向陽而生咁,打死都仲要」。

他又指弟弟性格「懶醒」,會與所有人講自己所發生的事,其朋友圈子亦「好鬼」,故覺得與他的同行朋友亦不懷好意,「佢有提過之前俾朋友呃錢,又見過佢間中借幾千蚊畀人,身邊發生乜事又會一五一十同晒人講。原本都覺得佢只係去玩,但發現佢啲所謂朋友好似唔係真係咁熟,我就有啲驚。」

一眾網民認為樓主細佬根本不理他人的好意,完全無可救藥,「燒咗佢護照留佢喺香港,佢都會怨你同屋企人成世,以為你哋害咗佢」、「同佢講定屋企人無錢畀贖金,呢啲係要靠生活經驗鍛鍊下先會成長」、「就算唔識,我都會鬧到佢醒為止,寧願佢怨你一世,都好過無咗條人命」、「到時出事咪又係煩你同你屋企人去救佢」。

立即下載 | 全新《星島頭條》APP :https://bit.ly/3yLrgYZ