一名港女逾期取貨遭收40元,要求扣除中秋假不果報警。FB圖片
一名港女逾期取貨遭收40元,要求扣除中秋假不果報警。FB圖片


網上購物近年愈趨普及,一名女網民於社交平台分享,早前到將軍澳一個自取點領取淘寶貨物時,遇上「不愉快經歷」,卻遭網民一面倒批評該女網民無理取鬧。

該名女網民於facebook群組「將軍澳主場」發文指,上周二(6日)收到短訊,指其網購的貨品已到自取點,但她當時未有留意短訊內容,至周二(13日)才到自取點取貨。自取點的店員指,由於樓主逾期取貨,要收4天存倉費共40元,「9月9號開始計算,9、10、11(星期日)、12號(中秋節假期),共4日」。

樓主聞言則反駁指,由於中秋節假屬於勞工假期,「Apps 寫咗勞工假期自取點唔開鋪 , 12號係勞工假 , 應該計3日」,惟對方卻著她找集運網頁客服處理。樓主不滿該店員無意解決問題,「最弊係自取點入面完全收唔到電話,我想上集運網頁揾客服都上唔到網,但自取點又就快收鋪」、「如果我等集運客服覆,即是要等聽日先攞貨、又要charge(收取)多一日存倉費?」。

樓主指,由於中秋節假屬於勞工假期,故應該只計3日。FB圖片
樓主指,由於中秋節假屬於勞工假期,故應該只計3日。FB圖片

樓主遂要求店員幫助上集運網頁找客服,卻遭對方拒絕,「佢話自己都係打工,冇理由減 $10 畀你,自己揞荷包畀返公司」。雙方持續僵持不下,最後樓主決定報警處理,「解決方案係收咗3日存倉費」。樓主強調事件「唔係$10問題」,認為店員亦有責任解決顧客的疑難,「自取點同集運公司係contractor(承辦商)關係,自取點本身都有收費用,同顧客有糾紛,都有責任去解決問題」!
港女網購逾期取貨遭收40元存倉費。FB圖片
港女網購逾期取貨遭收40元存倉費。FB圖片

帖文引起網民熱論,有「眼利」的網民發現,涉事的自取點的大門已貼上「9月12日照常營業的告示」,批評樓主無理取鬧「根本就係唔想畀10蚊,仲講到好據理力爭咁」、「其實可以畀咗先,再打去客服,同佢講返件事佢會退錢,人哋都真係打份工啫,電腦寫要收錢佢都無計」;有人則直斥樓主浪費警力,「你自己遲,仲要為$10報警,你真係唔覺得自己需要檢討吓?」。

樓主於留言補充指,因網頁稱自取點於勞工假期休息,「所以我冇特登落去攞貨」,隨即遭一眾網民怒罵,「攞貨係你責任」、「9月12日應該打電話去問人開唔開」、「驚麻煩畀多啲錢送上門呀嘛」!
 

資料來源:將軍澳主場

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ