Juicy叮|元朗街坊買榴槤驚見果肉腐爛 生果檔拒換:我都係受害者

更新時間:12:33 2022-09-22
發佈時間:12:04 2022-09-22

買生果最怕被「搵笨」,一名元朗街坊於社交平台發文指,日前於區內一生果檔買了一個榴槤,豈料打開後發現果肉腐爛,她曾到生果檔要求更換卻被拒,對方稱特價生果一律不設退換,更指自己亦是受害者,該名街坊聞言甚為不滿。

該名街坊於facebook群組「食在元朗」訴說指,日前在元朗一街市內的生果檔購買了一個榴槤,當時榴槤外殼完整無缺,沒料回家打開後「入邊好似啲腐肉咁」, 完全無法進食兼有臭味。

樓主曾拿回榴槤到生果檔更換,卻遭對方拒絕。職員稱「佢都係受害者,返咗批貨」。樓主又指在爭論期間,兩名女職員態度非常惡劣,「驚死唔夠大聲一齊除低口罩,一左一右夾住我不停吠」,令她十分驚慌,「俾佢兩個兇多兩句,喺佢門口喊咗出嚟」,並慨嘆「買到爛嘢仲要俾人鬧,仲要受氣」。

元朗街坊分享榴槤果肉腐爛照片,請按組圖瀏覽:

樓主不滿該生果檔明知榴槤有問題仍賣給顧客,並指曾目睹有公公婆婆不知榴槤已壞掉,「見平就買」,因而擔心「佢哋唔想嘥嘢都會食咗佢,會食壞人」,狠批該生果檔「真係無良奸商!」、「街坊街里都呃!」。她又指,已報警以及報食環署處理,呼籲一眾街坊「唔好再幫襯呢間黑店」。

相關新聞:

Juicy叮|將軍澳街市買山竹均爛透 街坊嘆:買靚生果都係一門學問:https://bit.ly/3BASzHx

Juicy叮|元朗街市380蚊賣開邊發黑龍蝦 網民質疑肉變白已腐壞:https://bit.ly/3LxH3B0

帖文引起熱論,有網民批評該生果檔不誠實,「明知批貨有問題 唔係應該搵供應商退貨?仲放出嚟俾人買?」、「根本成批貨有問題都賣得俾人,當人水魚」、「依啲檔要去舉報佢先得,陣間啲老人家有事就慘了」;有不少街坊指該生果檔早有「前科」,「幾年前買過一袋波子青提,底下個啲全部爛晒,從此唔再幫襯佢」、「呢檔幫過一次,感覺超衰無下次」、「呢間衰到爆,買10蚊嘢明明畀20蚊,佢唔找錢,仲大大聲話嗰張係10蚊」。
 

資料來源:食在元朗

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ