有網民在fb指責有uber taxi司機重複收取車資。
有網民在fb指責有uber taxi司機重複收取車資。


坊間不時有評論指uber taxi司機良莠不齊,毀譽參半,近日有網民在fb 討論群組中道出自身經歷,引來不少網民回響。話說一名事主在周一(26日)帶婆婆睇醫生,召叫了uber taxi讓婆婆在秀茂坪曉麗苑出發到旺角與她會合,事主已經碌卡付款。豈料婆婆與外傭到達旺角後,司機竟向婆婆再多索100元現金,猶幸事主見婆婆遲遲未下車即醒目上前了解,uber taxi司機才「回水」兼「走夾唔唞」,事主被激到「生蝦咁跳」,爆粗狂罵司機「老人家錢都呃,因住收尾個(嗰)幾年呀!」

有網民出po狂轟無良uber taxi司機。
有網民出po狂轟無良uber taxi司機。
召uber taxi前一般都已付款。
召uber taxi前一般都已付款。
網民出示該uber taxi司機的資料,包括已行駛過300轉的車程。
網民出示該uber taxi司機的資料,包括已行駛過300轉的車程。
網民出示當日行程及收費證明。
網民出示當日行程及收費證明。

事主在群組一開口便爆粗怒罵「揸uber taxi揸到你咁X街…」,然後訴說前因後果,「我帶阿婆去睇醫生,咁call uber比佢係曉麗出發,我係旺角等佢!已經通知左(咗)姐姐唔使比錢個司機!我企喺朗豪坊等佢落車,離遠見到佢架車開左(咗)門,但係好耐都未落車,我即刻衝過去睇下咩事!」

「姐姐同我講個司機叫佢比$100車錢!個司機話錶$91,叫我阿婆比$100佢!」事主即刻狂罵司機,話已經用卡付了車費。但司機竟然說不知道,被事主狂轟「第一日出黎(嚟)揸Uber 呀?我即刻同佢攞返$100!個X街仲要大大聲X返我轉頭,我叫佢咪X走呀!我要報警!」司機聽罷即刻關車門,「仲要差啲夾住我隻手!」事主不忿司機可恥行為,「老人家錢都呃!小X心啲揸車呀!因住收尾個幾年呀!」

有網友亦不屑司機行為,見事主鋪出該司機的行車轉數,指責司機擺明呃錢,「 做咗超過300轉都話唔知道收咗錢!」、收錢那裏有不知道丫(吖),收完錢再收,見到 老弱婦孺便欺負。」有網友就叫事主記得同Uber CS(服務熱線)投訴,可以即刻停止該司機接單。

有網友亦直指司機是「害群之馬」,唔死都冇用。有的士司機行家亦不值同行所為,「我係開的士嘅都好憤恨呃乘客嘅同行,做壞曬(晒)成個行業個名,瘀血一定要清除,支持你一定要系(喺)uber apps裏面舉報佢,打Uber熱線投訴佢,uber會停佢機,令佢Hk Taxi個apps都無得做,支持你!」

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ