Kelly Online|張宇人諷有人扮業界代表 黃傑龍:肯定唔係鬧我就算係都唔介意

港聞
更新時間:15:44 2022-09-28
發佈時間:15:44 2022-09-28

政府將入境檢疫放寬至「0+3」,稻苗學會榮譽會長黃傑龍曾表示在「0+3」之下不少市民計劃外遊,預期本地消費會疲弱一段時間,憂影響飲食業生意。立法會飲食界議員張宇人不點名批評有人「扮飲食業代表」,指不認同「0+3」會影響飲食業生意。黃傑龍今日在Facebook專頁回應指,早上接獲電台來電問及他關於張宇人鬧「扮代表」的言論。黃說「幾肯定佢唔係鬧我」,即使是,「我都唔介意」,直言「佢係長輩,比長輩鬧好平常」。

黃傑龍今日在Facebook發文,指「我都想佢講啱,最好生意冇影響」他說,如果張宇人「鬧吓就有生意」,坦言「日日俾佢鬧都冇所謂」。黃又說鬧人解決不到問題,「鬧政府唔得,鬧鬧政府的人都唔得。」 他說,作為商人,這2個星期給了意見,只是想協助政府制定政策,作為商業的前線可以給政府更多資料,好讓政府通盤考慮對不同業界潛在影響。

黃傑龍又說「覺得唔需要太悲觀,特首講咗幾次不走回頭路」。他認為今次政府應該很快推出「0+0」 ,期望兩星期內推行。他又說:「而家講聖誕節市道幾差幾差事實上亦冇必要,反而應該聚焦去討論如何簡化/減少本地防疫措施,可以取消的盡量取消及「可免則免」。他又指,勿忘記本港用了3年時間儲下「好多唔同的599」。

黃坦言要向一名外國朋友講解「點樣先至可以喺香港唔被罰$5000都唔係咁容易」,如「本港有又主動又被動疫苗通行證」、「疫苗通行證唔同年齡又有唔同安排」、「入到餐廳坐喺度可以除口罩企喺度又唔得」、「八個人以上又要RAT,喺街度食魚蛋河可唔可以除口罩我到而家都唔知…」。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ