獨家|發哥現身撐到底 餅店終遇白武士 「豪華」戲劇性翻生

港聞
更新時間:06:05 2022-09-29
發佈時間:06:05 2022-09-29

開業近半世紀的九龍城「豪華餅店」明日(30日)最後營業,幫襯逾40年的周潤發「發哥」亦現身撐場。本網獲悉,餅店已尋獲接班人,明日「結業」後,店舖將進行裝修大翻新,稍後會在原址以原名重開,「發哥」御用餅店的命運戲劇性大逆轉。

【點擊即睇|「發哥」對豪華餅店評價↓↓↓↓】

據了解,周潤發在上周五(23日)早上到訪豪華餅店,吃了蛋撻及合桃蛋糕等等餅點。該店目前只有兩名員工,包括負責樓面、出名有火氣的球姐,與及餅廚師傅阿富。

球姐向本網記者表示,發哥在當日一大清早到餅店,「客未嚟排隊佢就嚟,好早呀。」

豪華餅店在月中宣布結業,相中為豪華生招牌之一球姐。(資料圖片)
豪華餅店在月中宣布結業,相中為豪華生招牌之一球姐。(資料圖片)

球姐謂,發哥一到即四圍派利是,「佢派咗兩封(利是)畀我,發哥(同我)話多謝你呀球姐,多謝你咁多年都為人民服務呀。」

「(發哥有無話結業可惜?)唉,咁大家咁熟,講乜嘢啫,佢知道晒啲來龍去脈,佢知道周太(事頭婆)身體唔好呀麻。」

【點擊即睇|豪華餅店連日迫爆實況↓↓↓↓】

本網獲悉,豪華餅店將由目前餅廚師傅阿富接手繼續經營,但目前仍未定實復開日期,球姐向本網記者證實有關消息:「(餅店係咪會由富哥接手?)係真既,會裝修吓先,舊嘢要掉晒,重新做過地台,裝修吓,靚靚仔仔先,等於化個妝先。」

球姐又謂:「日後會用番『豪華』個名。」由於豪華多年來均由師傅阿富負責製作各類糕餅蛋撻,而阿富盡得老闆周師傅的真傳,換言之,裝修後,豪華飽餅種類和味道仍會保留,球姐表示:「全部飽係富仔做,(再開張)口味唔會變架啦。」

目前樓面全由球姐一人打理,非常忙碌。(相片來源:FB專頁「麵包超人的美食遊樂地圖」、「港康劉影」、「Being Hong Kong」、「鄭泳舜 Vincent Cheng」、「烘焙•愛麗斯」)
目前樓面全由球姐一人打理,非常忙碌。(相片來源:FB專頁「麵包超人的美食遊樂地圖」、「港康劉影」、「Being Hong Kong」、「鄭泳舜 Vincent Cheng」、「烘焙•愛麗斯」)

「(有無通知發哥你哋會繼續做?)唔使啦,佢經常嚟,佢跑完步就走嚟剝蛋撻食,佢點會唔知呀。」

至於豪華另一生招牌、已逾七十歲的球姐會否繼續在新店出場,仍屬未知之數:「我唔一定唔做,睇吓點情形,我年紀大,要抖一抖,回一回氣先,因為我條腰骨做到攣咗,一定要停一停,回一回氣先。」

【點擊即睇|豪華餅店馳名飽餅逐樣數↓↓↓↓】

豪華餅店結業消息本月中傳開後,日日店外大排長龍,有食客透露最少要排逾一小時,該餅店的紙盒及鐵盒亦成為食客的搶購對象。

對於日日大排長龍,球姐談起即十分有火:「有啲客畀利是我,話好可惜......我話佢哋架,48年都唔見你哋排隊,依家至嚟排隊。(以前)買條蛋卷又話大,食唔晒,依家食唔到啦,至嚟排隊,無咗至嚟可惜。」

相關新聞:

豪華餅店下月結業 周潤發撑足40年每周幫襯 店員:唔做發哥都未知

網民遇周潤發酷熱跑山 揭「發哥」苦鬥34度高溫有新戰衣

發哥小店用餐大派利是 網民被「大手筆」驚呆

文憑試開考|周潤發跑經試場 向考生揮手打氣

半年痛失4摯友 發哥化身「街坊神醫」拯救高危一族

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ