14歲仔遭車撞飛|利濰留醫4日仍危殆 校長錄音打氣「叻仔頂住呀!」


「我好憎呢個司機撞到我個仔!仲要走咗唔理我個仔,我個仔太細,得14、15歲,佢(司機)好冇責任心,如果冇途人救阿仔,點算?」本周一(7日)晚在青山公路遭私家車撞飛10多米身受重創的14歲男童彭利濰,今日(10日)留院第4天,目前仍情況危殆。利濰父母心痛愛兒飛來橫禍,日夜守候愛兒消息,慈母以淚洗面,即使利濰大步檻過渡過危險期,但面對漫長康復之路,父母亦不禁無言問蒼天:「我哋點樣幫佢呢?」

利濰父母對愛兒飛來橫禍傷心欲絕。劉漢權攝
利濰父母對愛兒飛來橫禍傷心欲絕。劉漢權攝
利濰媽媽擔心兒子康復之路漫長。劉漢權攝
利濰媽媽擔心兒子康復之路漫長。劉漢權攝
利濰媽媽想到面對未來不知景況的前路,悲中從來。劉漢權攝
利濰媽媽想到面對未來不知景況的前路,悲中從來。劉漢權攝
利濰與媽媽的合照。受訪者提供
利濰與媽媽的合照。受訪者提供
利濰與媽媽的合照。受訪者提供
利濰與媽媽的合照。受訪者提供
利濰與媽媽的合照。受訪者提供
利濰與媽媽的合照。受訪者提供
利濰日常生活照。受訪者提供
利濰日常生活照。受訪者提供

歷史科全級第一 校長錄音鼓勵 

利濰就讀元朗公立中學,校方知道他遭逢不幸,已立刻啟動危機應變小組,校長、同學都關心他的狀況。其中校長更特別錄下一段錄音,讓利濰父母探望他時放在他耳邊作鼓勵。「利濰,我係校長呀,聽唔聽到?校長好掛住你,你今次要叻仔啲呀!頂住呀!校長希望你快啲好返,返元中,返番學,同你見返面,你記得嗎?校長希望你成為元中畢業生,將來成為一個歷史學家,所以你一定要好返,頂住呀!」利濰媽媽指校內部分同學與利濰要好,學校也擔心他們情緒受困擾,因而啟動了危機處理。


她指利濰最初重創入院,需在腹部內以紗布棉花止血,右手骨折,今日(10日)要開刀做手術取出紗布及固定手部骨折的地方,醫生向她表示,利濰意外後若不及時轉送屯門醫院,「唔一定救得返佢」。「佢最嚴重盤骨同頭部,噚日探完佢,醫生話佢顱壓太高或血壓太高,都好易導致腦幹死亡,所以要顱壓穩定。」


她說兒子雖非校內最尖子,但無論小學、中學均有奪獎,「佢中一、二、三都有攞獎,佢好鍾意歷史科,好多個學期歷史科都係攞第一。佢本來明日(11日)可以上台攞獎,因為佢歷史科考到全級第一,但依家入咗醫院,冇咗呢個機會啦!」利濰媽媽哽咽說道。


談到利濰的現況,彭媽媽十分難過,「佢依家未過危險期,如果過咗危險期,就要諗點樣康復,呢個係最關鍵,最壓力大嘅問題,佢爸爸已經大年紀,如果阿仔吉人天相,渡過呢個難關,條命保咗,但以後康復條路好漫長,點幫到個仔呢?佢爸爸老啦,我哋住村屋,唔知點『嘀』佢出出入入。聽骨科醫生講,阿仔成個散晒,有可能下半身癱瘓,雖然見過有人康復。如果阿仔有幸保住條命,將來面對好多嘢,佢手部神經受損,可能會冇力,將來搵食都係一個問題,唔知點生存?做阿媽點幫佢呢,唔知乜嘢方向!」


利濰是兩老的獨子,早已退休的利濰爸爸與前妻則育有一子,媽媽是家庭主婦,原本打算外出工作幫補生計,但現在利濰突然出事,「我依家全部計劃亂晒!我唔知點安排生活!阿仔康復路要洗幾多錢,點樣幫到佢呢?」她想着面對將來的困境,不禁悲從中來飲泣起來。


這宗意外發生於7日晚上9時許,14歲利濰晚飯後出外,沿青山公路灰沙圍散步,豈料突遭一輛私家車撞飛10數米。利濰身體多處骨折、頭部重創昏迷送院搶救,至今情況危殆,警方其後拘捕車主,但肇事司機仍然在逃。

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ