Juicy叮｜聽母親建議讀護士險抑鬱 港女感不忿：「害完一次仲想拖後腿」
發佈時間：12:31 2022-11-23
自己的未來應由自己決定。有港女在網上發文指，當年在大學選科時，其母親建議她修讀「最穩定兼一定有工開」的護士，並指她「唔想做姑娘就係任性幼稚」。她最終聽從母親的建議，卻令自己「嗰5年大學就根本唔知自己喺度做緊乜同差啲讀到抑鬱，實習做到懷疑人生」，並指責母親從未關心她的想法，卻多次提醒樓主賺錢養她，令樓主直斥「害完我一次仲想繼續拖我後腿」。
該名港女昨晚(22日)在連登討論區以「過左咁多年仍然好憎老母對我做嘅呢件事」為題發文，憶述在公開試放榜時，在未得到她的同意下，將其成績表向其他親戚朋友分享，不懂得尊重別人的私隱。樓主又指，到大學選科時，自己的成績屬於中上，但只能選擇「神科」以外的科目，並指一直希望可到外國讀者，但母親則指出「冇錢供唔起」，並指「嗰陣除咗好想去外國讀某科之外，未有其他科特別想讀，冇特別主見」，最終聽從母親的意見。樓主指，母親當時認為「Science 當然冇出路冇前途，BBA又供過於求，Engine 又人工低，做老師又難搵教席」，因此建議女兒修讀「最穩定兼一定有工開」的護士，「講到唔揀做護士就必死無疑咁，唔理我鍾唔鍾意開唔開心讀唔讀得嚟返唔返到通宵，話我唔想做姑娘就係任性幼稚」。
請點擊組圖瀏覽：
樓主最終聽從母親的建議，但指「結果我身邊啲讀BBA讀engine讀edu嘅同學畢咗個個都搵到份唔錯嘅工」，而自己「嗰5年大學就根本唔知自己喺度做緊乜同差啲讀到抑鬱，實習做到懷疑人生，間唔時仲匿埋偷偷地喺度喊，Counsellor 搵過幾次」，但母親對相關情況並不知情。
樓主續指，其母親從不關心她的大學生活或實習情況，並曾向她表示「輪shift 只係一個禮拜先轉一次更好辛苦你咩，返通宵點會唔健康」，直到她開始工作後才驚訝地詢問「你打風做咩返工？」樓主又指，「逼完人做啲唔鍾意做嘅嘢，然後叫人賺錢養你，食食下飯借題發揮話我餵到你咁飽，到時我老咗你要養我」，並指母親的說話令她感到煩厭。樓主指，「我有自己人生同將來，唔係話生完我出嚟我就要養你㗎，害完我一次仲想繼續拖我後腿」，更直言「就算我搵到錢都唔會同你講，家用繼續 basic minimum，到時有能力一腳伸開你搬出去住更加一個仙都唔會畀」。
相關帖文隨即引起熱議，至今已獲得近5800個讚好。網民紛紛留言支持樓主，並指「做得好，一蚊都唔好畀佢」、「我支持你」、「辛苦你啦，呢啲問題真係一世都解決唔到，基本上無論點講，佢嗰套歪曲咗嘅思想係轉唔返返嚟，希望你可以盡早脫離呢個環境」、「以後唔洗再理佢，唔好比錢佢，努力果個又唔係佢」、「自己人生自己要勇敢去選擇，人生得一次，過咗去嘅就忘記佢，但未來嘅路記得要揸返喺自己手呀」等。
不過，亦有網民認為樓主自己亦有責任，並指「推到啲責任一乾二淨」、「大學5年，你無理由到畢業先知nursing 呢行係點。過程中有冇搵過出路，轉機？你條命係你自己。 與其埋怨，不如呢一刻開始諗下將來條路要點行」、「就當你揀科嗰時小朋友唔識諗，但讀到上去覺得讀唔掂唔啱讀無得賴架喎，捱得完個degree都唔一定做護士」、「雖然你好大怨氣，不過自己都要負返啲責任，揀科讀果時如果連工作性質都唔清楚，咁我覺得你視野係有啲狹窄」等。
帖文來源：連登討論區
