有賣家在拍賣網站遇到奇怪買家,對方希望以某些物品交換潤手霜。iStock圖片/FB圖片
有賣家在拍賣網站遇到奇怪買家,對方希望以某些物品交換潤手霜。iStock圖片/FB圖片


不少人亦會透過拍賣網站出售或購買物品。有賣家則在網上發文,分享遇到奇怪買家的經歷,提到對方希望以iPhone原裝盒等物品,交換標價為80元的潤手霜。樓主隨即用一句話寸爆買家,最終被對方封鎖。

該名賣家近日在Facebook群組「Carousell 乞衣+X客關注組」發文,指經常亦會在拍賣網站遇到傻人,而近期則遇到「經典」買家。從其上傳的對話截圖可見,樓主在拍賣網站出售潤手霜,標價為80元。有買家則回覆指,「兩個iPhone原裝盒+iPhone7/8 plus 玻璃貼一張+靚短身type-C to lightning 充電線,同你交換?」樓主隨即回覆指,「請問要你啲垃圾嚟做乜?」對方則回答,「換你啲垃圾囉。你可以唔換,連基本禮貌都唔識」,隨後再封鎖樓主。

請點擊組圖瀏覽:

樓主上傳對話截圖,指近期遇到「經典」買家。「Carousell 乞衣+X客關注組」FB
樓主上傳對話截圖,指近期遇到「經典」買家。「Carousell 乞衣+X客關注組」FB
買家提出以iPhone原裝盒等物品作交換。資料圖片
買家提出以iPhone原裝盒等物品作交換。資料圖片
相關帖文隨即引起熱議。FB截圖
相關帖文隨即引起熱議。FB截圖
有網民關注以物易物問題。FB截圖
有網民關注以物易物問題。FB截圖
有網民則分享類似經歷。FB截圖
有網民則分享類似經歷。FB截圖

樓主在帖文中表示,「2022年iPhone都出到iPhone14,你畀iPhone7 玻璃貼畀我做乜呢?我又唔係從事垃圾回收」,並笑言「原來iPhone原裝盒值錢㗎咩?好後悔平時開完箱就掉左個盒呀!下次買新iPhone我會包郵送個盒畀呢位Ching」。

相關帖文隨即引起熱議,有網民笑言「原來我掉咗7P同X個 iphone盒咁值錢㗎,加2張十蚊貼連埋啲原裝耳機,應該又可以換幾廿蚊嘢,你下次叫佢南Y島M記等」、「奇人奇事」、「佢啲嘢可能50年後係古董」、「其實又真係怪到值得貼堂,可能當咗係勞力士盒」、「呢個真係癲㗎」、「畀我會覆:好呀~不如我用一張759收據+維他奶吉盒+橡筋兩條+9成新尼龍繩一條同你換啦」等。有人則分享指,「我都試過!佢一開頭話用兩盒innesfree 粉底/餅同我交換,我話我無用開而拒絕。跟住佢仲唔死心話用張大毛巾同我交換,可能佢嗰張大毛巾貴嘢嚟,但對我嚟講大毛巾幾十蚊咪又係咁用,我淨係想同錢做交換」。

另外,有人則指,「我覺得係有人成日講嗰啲『以物易物』、『由一條橡筋換咗一部車返嚟』嘅故事,但想跟嚟做嗰陣又唔接受畀人噴,仲要覺得我肯同你換係你執到」、「有啲似綜藝節目畀舊垃圾你同人換嘢,換幾次睇下最終換到啲咩番嚟」等。

帖文來源:「Carousell 乞衣+X客關注組」
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ