Juicy叮|外賣員送餐遭斥「撳佢門鐘」 客人再提一要求惹議

更新時間:13:18 2022-11-26
發佈時間:13:54 2022-11-26

不少人為了方便亦會叫外賣。不過,有外賣員日前在網上發文,提到送餐上門時被客人責怪「撳佢門鐘」,而該名客人隨後提出的一個要求亦在網上引起熱議。

請點擊組圖瀏覽:

有網民在Facebook群組「香港外賣及速遞平台綜合交流群」發文,並指其朋友在送餐時遇到「西客」。該名外賣員表示,有客人叫了外賣薄餅,在開門時已怪責他「做乜撳佢門鐘」。其後,外賣員要求該名客人付錢,對方卻拒絕並指「要拎入屋check(檢查)咗先」。外賣員見狀後隨即表示要將食物取回餐廳,客人聞言後則回答「你咪拎囉窮鬼」,並在外賣員轉身時突然衝出門外,並向食物袋拳打腳踢。

從其上傳的影片可見,在大廈某樓層的電梯大堂,一名手持拐杖、相信是涉事客人的母親站在中間嘗試調停,看著外賣員表示「唔好嘈,得,得」,又轉身看著兒子表示「你行啊」,示意他進入屋內。該名客人卻情緒激動,並大聲表示「咩事啫依家?我只不過叫佢攞入去check一check」,外賣員聞言後隨即反駁指「我點知你會唔會攞咗入去之後閂門」,客人隨則激動地爆粗指「你戇X嘅!報警啦如果係」,並走向外賣員。相關影片及帖文未有交代事件的後續情況及結局。

相關帖文隨即引起熱議,不少人批評涉事客人的行為,又直指對方的「西客」,並指「佢阿媽真係慘,咁大年紀揸住拐杖都仲要走出嚟同個仔勸交」、「咁使唔使試埋食合口味再畀錢」等。有人則指,「一手交錢一手交貨,呢個係定律」、「但我食咗咁多年pizza都係拎晒啲嘢入屋先畀錢」等。另有外賣員則指,「我做咗三年送外賣,啲客都係畀咗錢先攞嘢食,擔心冇手拎」、「做咗咁耐都未試過,收咗錢先畀貨」、「我做咗咁耐都係畀錢我先至會畀嘢食你囉」、「我都係畀野食人先,我拎住我自己都唔方便收錢啦,唔畀錢咪報警,怕佢走咗去咩」,亦有外賣員分享指,「我送兩大袋貨到佢門口影相完成,點知條友叫我唔准走,佢要當場點算貨物,盒蛋逐隻照逐隻check有無爛,食品逐件睇有無爛和過期」。

帖文來源:「香港外賣及速遞平台綜合交流群」

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgY