貓店長掛口水肩提醒「眼看手勿動,動親褲穿窿」。網圖
貓店長掛口水肩提醒「眼看手勿動,動親褲穿窿」。網圖


貓店長可愛人人得以摸之,但深水埗一報紙檔的貓店長可能太受歡迎而應接不暇,檔主唯有出絕招替貓咪掛上口水肩,白底紅字提醒路人「眼看手勿動,動親褲穿窿」。對於「眼看手勿動」,有其他貓店長員工之前曾發出「心聲」講解,指貓咪需要睡眠,不停招呼客人便無法休息。

現場情況及網民回應請點擊組圖瀏覽:

貓店長掛「眼看手勿動」告示。網圖
貓店長掛「眼看手勿動」告示。網圖
告示以白底紅字提醒路人「眼看手勿動,動親褲穿窿」。網圖
告示以白底紅字提醒路人「眼看手勿動,動親褲穿窿」。網圖
對於「眼看手勿動,動親褲穿窿」的提示,有網民指「唔緊要,我條褲本身穿窿」。網上截圖
對於「眼看手勿動,動親褲穿窿」的提示,有網民指「唔緊要,我條褲本身穿窿」。網上截圖
網民見招拆招笑言「著裙去摸」。網上截圖
網民見招拆招笑言「著裙去摸」。網上截圖
有網民估計貓店長「綁住咁大塊牌,應該好唔舒服」。網上截圖
有網民估計貓店長「綁住咁大塊牌,應該好唔舒服」。網上截圖
有愛貓之人查詢報紙檔實際地址,被樓主以保護貓咪為由拒絕透露。網上截圖
有愛貓之人查詢報紙檔實際地址,被樓主以保護貓咪為由拒絕透露。網上截圖

 
貓店長員工心聲。網上截圖
貓店長員工心聲。網上截圖

上有政策,下有對策,機警的網民見招拆招,看準告示的漏洞笑言「唔緊要,我條褲本身穿窿」、「著裙去摸」。

雖然有網友稱讚貓店長「條口水肩好型」,但不少網民則擔心告示太大塊影響貓咪,指「隻貓條頸掛咁大塊牌,隻貓開心咩」、「綁住咁大塊牌,應該好唔舒服」、「塊牌好似攪到佢犯婦人咁」,建議「不如細條D啦條符」。

有之前曾見過貓店長的網民則指,「其實我上次見到牠的時候好像是還沒有牌子的,可能中間發生了不愉快的事吧」。另有愛貓之人查詢報紙檔位置準備前去打卡,但遭樓主拒絕,指「保護貓咪恕不公開詳細位置,有緣就會見到」。

相關新聞:

超市貓店長尋回 27歲男涉盜竊被捕:https://bit.ly/3APB46u
尋貓記︱深水埗海味舖貓店長失蹤 疑遭女子擄走:https://bit.ly/3VvHn7f
深水埗劏房尋回貓店長 飼主重現歡顔:https://bit.ly/3OIAaPc

有貓店長嘅員工小小心聲

對於路人或顧客出手摸貓店長事宜,「香港貓店長關注組」10月下旬曾有一個以「作為一個有貓店長嘅員工小小心聲」為題的帖子,分享有關意見,值得細看:

「我係一個貓痴,以前係街見貓就摸,重試過畀一D老闆喝止,當時心情難免有D唔開心。但到今日,我地鋪頭有貓店長,就開始明白以前D老闆叫唔好摸嘅心情,當然知道好多街坊愛貓,見到貓個腦就不受控制隻手就伸出摸下,但我有心痛嘅感覺,貓係需要長時間睡眠(一日要二十個鐘,包括熟睡~淺眠,瞓得越多越長命),有時見貓店長瞓咗,但街坊會大叫起身啦,或者搞醒佢,又或者不停摸,根本休息唔到,我都會出聲叫唔好摸啦,佢要休息,或者直接抱佢入店長宿舍瞓,我自己都感覺有D無情,見到街坊有失望嘅表情,心都好矛盾,其實無話啱與唔啱,我哋嘅責任就係勸喻或互相體諒,教導街坊店長瞓咗就唔好搞佢,大家唔好有hard feeling,出發點都係愛貓,希望大家繼續能夠開開心心分享貓店長嘅日常生活,有趣圖片」。

帖文來源:香港貓店長關注組
 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ