賣家在網上放售標價為20元的音樂書籍,獲一名買家詢問是否包郵費。《愛回家》示意圖
賣家在網上放售標價為20元的音樂書籍,獲一名買家詢問是否包郵費。《愛回家》示意圖


不少人亦會在拍賣網站上出售或購買物品,不過間中亦會遇到令人無奈的賣家或買家。有賣家在網上發文指,自己在拍賣網站出售標價為20元的音樂書籍,獲一名買家詢問是否包郵費,隨即回答「本書咁新淨,$20仲想包郵費」。沒料到對方隨後的一句回覆,立即「焫著」該名買家。

該名賣家近日在Facebook群組「Carousell 乞衣+X客關注組」發文,指「已經寫明郵寄交收,而順豐到付最低消費$25,即係叫我貼錢賣畀佢」。從其上傳的對話截圖可見,該名賣家正在拍賣網站上出售一本標價為20元的音樂書籍。一名買家向其傳短訊,詢問是否包郵費,樓主隨即回答「本書咁新淨,$20仲想包郵費,你以為我賺緊你錢?」對方隨即回答「做人又唔使咁嘅,會折壽」。樓主隨即被該句回覆「焫著」,並回覆「20蚊都畀唔起,燒畀你好唔好?包郵費,包埋帛金」,並附上一張在火盆內燃燒帛金的照片,再回覆「收到未?收到麻煩確認一下」,而對方在看到相關留言後已未有再回覆。

請點擊組圖瀏覽:

樓主上傳對話截圖。「Carousell 乞衣+X客關注組」FB
樓主上傳對話截圖。「Carousell 乞衣+X客關注組」FB
相關帖文隨即引起熱議,但網民的反應兩極。FB截圖
相關帖文隨即引起熱議,但網民的反應兩極。FB截圖
部分人認同樓主的做法,並指對方的留言過份。FB截圖
部分人認同樓主的做法,並指對方的留言過份。FB截圖
有人則對樓主的做法有所保留。FB截圖
有人則對樓主的做法有所保留。FB截圖
有人直言「問句包唔包平郵都被公審,香港人真係壓力大」。FB截圖
有人直言「問句包唔包平郵都被公審,香港人真係壓力大」。FB截圖

相關帖文隨即引起熱議,但網民的反應兩極。部分人認同樓主的做法,並指對方的留言過份,又指「其實你第一句都無咩嘢,都係講事實,佢無啦啦講會折壽,真係會著X咗」、「佢唔講折壽都無咩嘢,一講真係會嬲」、「梗係啦,買一本20蚊嘅書仲要人哋包郵冇病呀,仲要話人哋折壽?」、「個火盆相真係神來之筆」唔包郵原來會折壽佢癲?你要癲過佢!做得好!」等。

然而,有人則對樓主的做法有所保留,並指「唔包兩個字太短?其實可以一開始客氣啲就咁no咗佢咪算」、「問句包唔包平郵都被公審,香港人真係壓力大」、「會唔會佢其實真係問,唔包咪自己畀」、「其實佢都係問下啫,你話唔包咪得囉」、「折壽應該係因為你嘅態度而唔係包唔包郵」、「互相傷害」等。

根據香港郵政的網頁資料顯示,寄件者可使用標準服務投寄一般信件,並以信封、咭、摺咭、捲軸或郵包的形式投寄。在信件及郵包的收費方面,若郵包重量不超過100克,費用為5.6元;重量不超過250克的郵包,費用為8.2元。若需要投寄較大型的貨物時,則可使用本地包裹服務。重量不超過1公斤的本地包裹,郵費為77元。
香港郵政對於信件及郵包的收費。網頁截圖
香港郵政對於信件及郵包的收費。網頁截圖
香港郵政對於本地包裹的收費。網頁截圖
香港郵政對於本地包裹的收費。網頁截圖

帖文來源:「Carousell 乞衣+X客關注組」
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ