該名人妻直言「呢個世界上到底有冇奶奶係唔煩㗎?」《BB來了》劇照
該名人妻直言「呢個世界上到底有冇奶奶係唔煩㗎?」《BB來了》劇照


為了生活順風順水,部分人會尋求風水師的意見。一名人妻則發文指,其奶奶一直催促她與丈夫生小朋友,但二人已表明兩年後再考慮。正當他們以為奶奶已打消念頭時,對方卻突然帶同風水師上門。風水師指出,「間屋啲擺設有問題」導致他們無法生育,因此將搬動屋內的擺設,導致「間屋已經好似打完仗咁亂」,令她不禁無奈地在帖文中道出無法生育的真相。

該名人妻日前在香港討論區以「奶奶帶埋風水師上嚟整亂我間屋!!!!!」為題發文,提到其奶奶一直催促她與丈夫生小朋友,但他們表明會在兩年後再考慮,並以為奶奶已打消念頭。樓主續指,奶奶有其家中門匙,間中亦會上門協助執屋及「拎啲親戚煮嘅嘢畀我老公食」。奶奶早前已預告會上門,樓主當時以為對方只是上門執屋,直到丈夫回家後才發現,奶奶竟然暗中帶同風水師傅上門。

請點擊組圖瀏覽:
 

有網民直言,「奶奶是一種可怕的生物,敬而遠之最好」。網頁截圖
有網民直言,「奶奶是一種可怕的生物,敬而遠之最好」。網頁截圖
有人則指,「「有時候啲老人家又係唔醒目,啲後生嘅事就唔好理咁多」。網頁截圖
有人則指,「「有時候啲老人家又係唔醒目,啲後生嘅事就唔好理咁多」。網頁截圖
有人認為,「不過生仔呢件事,你兩夫婦有共識就叫你老公應付佢媽咪啦,你少啲同佢交流」。網頁截圖
有人認為,「不過生仔呢件事,你兩夫婦有共識就叫你老公應付佢媽咪啦,你少啲同佢交流」。網頁截圖
另有人則認為,「換鎖唔畀鎖匙佢,婆媳關係可能會變得更差,第時見到面,奶奶一定畀說話你聽」。網頁截圖
另有人則認為,「換鎖唔畀鎖匙佢,婆媳關係可能會變得更差,第時見到面,奶奶一定畀說話你聽」。網頁截圖
樓主補充指,已請師傅上門更換指紋鎖,並指「我老公仲鬧我點解要換鎖?」網頁截圖
樓主補充指,已請師傅上門更換指紋鎖,並指「我老公仲鬧我點解要換鎖?」網頁截圖

樓主指,該風水師傅向奶奶表示,「係因為間屋啲擺設有問題,所以我哋先生唔到小朋友」,令她不禁無奈地在帖文中道出無法生育的真相。她指,「其實生唔到係我哋有避孕呀奶奶!關咩擺設事呀?」風水師傅又指,「張床擺個方位有問題,會影響我哋情緒,要移位喎」,並帶同兩個徒弟上門協助「執位」。

樓主指,丈夫以「返到去間屋已經好似打完仗咁亂,一行入去佢覺得好唔舒服」,著樓主下班回家後「執返間屋」。樓主指,「除咗叫我返去執間屋,可唔可以叫埋你阿媽唔好再搞我屋企?」她又指,最初並不願將門匙交給奶奶,但奶奶擔心他們會遺失門匙,因此提出替他們保管一條門匙,亦可協助他們執屋,而丈夫則認為老人家無事可做,加上不希望奶奶周圍去,因此同意交出門匙。樓主續指,「成日失驚無神就走上嚟都算啦,依家仲要帶陌生人上嚟」,並直言「呢個世界上到底有冇奶奶係唔煩㗎?」

樓主隨後再補充指,翌日已請假並請師傅上門更換指紋鎖,並指「我老公仲鬧我點解要換鎖?佢同佢阿媽講唔好再搞呢啲嘢咪得。如果你講係有用嘅話,你老母就唔會愈整愈過份啦」,並指「可能我多心啦,我覺得奶奶自己有配條後備,連鎖都換埋就一了百了」。她又指,一直很尊重奶奶,但認為對方最近的態度變得惡劣,「佢心情唔好就會打電話嚟鬧我兩句」,又會指責她甚少煮飯。

相關帖文隨即引起熱議,有網民留言指,「同奶奶要保持一定距離」、「奶奶是一種可怕的生物,敬而遠之最好」、「其實今次令你名正言順換鎖,反而是好事」、「好多時奶奶可以干涉咁多,做老公的好有責任」、「不過生仔呢件事,你兩夫婦有共識就叫你老公應付佢媽咪啦,你少啲同佢交流」、「有時候啲老人家又係唔醒目,啲後生嘅事就唔好理咁多」等。另有人則認為,「換鎖唔畀鎖匙佢,婆媳關係可能會變得更差,第時見到面,奶奶一定畀說話你聽」、「第時你做奶奶都係咁,唔係話你煩,意思係你就算咩野都唔做,新抱都會覺得你篤眼篤鼻」等。

帖文來源:香港討論區
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ