天眼直擊｜貓義工秒速抱走大角嘴「貓B店長」 主人：畀返我嘅話當無事發生
發佈時間：18:30 2022-12-07
士多「貓B店長」疑遭自稱貓義工盜走。一頭出生僅3個月的大角嘴貓B「鴛鴦」，上周三（11月30日）被一名紮髻男偷走，對方向街坊聲稱因擔心貓B「凍親」，承諾翌日會「完璧歸趙」。不過，貓主梁先生苦等一星期，一直未等到貓B歸家，無奈下只好報警求助，坦言希望偷貓賊盡快將愛貓平安送回其身邊，「我當你出於好意執走隻貓，但點解第2日唔畀返我？其實畀返我，我可以當無呢件事發生」。
梁先生向本網記者表示，「鴛鴦」是由一歲半大的貓店長「忌廉」所生，毛色灰白色，雌性，目前大約3個月大，出世至今一直都是由他及其女友共同照顧，兩隻貓平日都會放在舖頭飼養。他形容「鴛鴦」非常怕生保，不喜歡被人抱，但卻和他非常親近，會一同睇劇集及一同睡覺，甚至間中會帶牠回家一同生活，感情深厚。
事發於上周三晚上11時許，梁先生透露，當時他與女朋友準備收舖，平日離開前都會了解2隻貓是否在舖內，但當日一時不為意，返回家中才想起收舖時未見「鴛鴦」的身影，「我哋即刻返落去睇，真係唔見咗鴛鴦，即刻睇返CCTV，發現鴛鴦收舖嗰陣竄咗出去，之後就俾人抱走咗」。
根據梁先生提供的CCTV片段所見，當時店外有一對男女，而旁邊側站有一名身穿短袖tee、紮髻的男子抱起「鴛鴦」，雙方交談一會兒後離開。梁先生指該對男女早在「鴛鴦」被抱走前半小時，已在舖外徘徊，其間又多次打電話，未幾紮髻的男子便到場，二話不說將「鴛鴦」抱起，整個過程僅2分鐘。
對於「鴛鴦」被偷走，梁先生感到非常傷心，連日來在社交平台發文尋貓，又在店外張貼告示及CCTV截圖，希望有有心人提供線索尋回「鴛鴦」，「有個街坊同我講，話鴛鴦俾人抱走嗰時，佢曾經同個紮髻男人講過隻貓有人養，係屬於間舖頭，但嗰個人話驚隻貓凍，第二日會拎返落嚟，點知等咗咁耐一直都無消息」。
梁先生續指，CCTV拍到的該對男女事後曾於網上澄清，聲稱自己並不認識紮髻男，亦不知道對方身份，更指可以陪同梁先生到警署報警，以示清白，「嗰對男女話自己屋企養咗2隻狗喎，所以根本無可能偷走鴛鴦喎」。
事隔一周，梁先生坦言「鴛鴦」的媽媽「忌廉」一直悶悶不樂，茶飯不思，每一天開舖更都想衝出門口尋女，而他亦未停下腳步，繼續循不同途徑尋找「鴛鴦」，「講真好唔開心，我當你出於好意執走隻貓，但點解第2日唔畀返我？其實畀返我，我可以當無呢件事發生。打個比喻，金舖門口有金，你執走咗都有刑事責任啦，係咪？如果係貓義工做嘅話，更加係罪加一等添啦！」
警方表示，今日（7日）下午3時許，大角嘴晏架街「興旺士多」負責人報案，指一隻貓於11月30日被人偷走，警員到場並翻查閉路電視片段調查，發現當時有2男1女到場，懷疑事件與貓義工有關，案件暫列遺失及盜竊處理。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
