港女大呻男友偷在飲料中落瀉藥,導致她肚痛腹瀉。iStock圖片
港女大呻男友偷在飲料中落瀉藥,導致她肚痛腹瀉。iStock圖片


有港女在網上發文,大呻男朋友偷偷在她的飲料中落瀉藥,導致她肚痛腹瀉了一個早上,隨後向男友追問原因時,對方卻說出一個荒謬原因。

該名港女日前在Dcard討論區以「佢嫌我肥偷喺我啲嘢食度落瀉藥」為題發文,指自己與男朋友在一起後,從來不曾聽過對方嫌棄自己的身材,直到對方最近迷上韓國KPOP女子組合,開始抱怨她的身材,並希望她可以變瘦。樓主因此開始努力減肥,「每日都有去做gym,飲食都有控制,不過就瘦得慢啲,但都有瘦到,但係男朋友好似就嫌我瘦得唔夠快」,又經常向她抱怨。

樓主分享及網民回應:

樓主指,男友最近迷上韓國KPOP女子組合。(圖為BLACKPINK,BLACKPINK FB圖片)
樓主指,男友最近迷上韓國KPOP女子組合。(圖為BLACKPINK,BLACKPINK FB圖片)
樓主指,每日早上在起床時會飲用一杯牛奶。示意網圖
樓主指,每日早上在起床時會飲用一杯牛奶。示意網圖
樓主腹瀉了一個早上。iStock圖片
樓主腹瀉了一個早上。iStock圖片
相關帖文隨即引起熱議,不少人批評樓主男友的行為。網頁截圖
相關帖文隨即引起熱議,不少人批評樓主男友的行為。網頁截圖
有人則指出男友的行為屬違法。網頁截圖
有人則指出男友的行為屬違法。網頁截圖
有人勸喻樓主與對方分手。網頁截圖
有人勸喻樓主與對方分手。網頁截圖
有人直斥「咁都有,咩人嚟」。網頁截圖
有人直斥「咁都有,咩人嚟」。網頁截圖
有人直言「完全係犯罪」。網頁截圖
有人直言「完全係犯罪」。網頁截圖

樓主續指,每日早上在起床時亦會飲用一杯牛奶,平日亦不會因為飲牛奶而出現腹瀉問題,但在某天早上自己如常在飲用牛奶後回公司上班,沒想到在到達公司不久後,已感覺到自己的肚子疼痛,隨後更腹瀉了一整個早上。樓主隨後透過短訊向男友告知事件,沒料到對方竟回覆指「估唔到隻藥咁勁,你每日咁痾會瘦得快好多」,她隨即呆立在場並追問「你講緊乜,咩藥?」對方再回覆指,「冇呀,瀉藥嚟,諗住幫下你減肥」。樓主隨即感到氣憤,並直斥「佢IQ有冇80?痾屎係會輕到,但唔會幫你減走體內嘅脂肪,完全唔知佢個腦到底咩事」。

相關新聞:

Juicy叮|港女邀外出倒數被拒 男友:「點解要夾硬幫一年嘅最後一日加意義?」:https://bit.ly/3GJ5Osa
Juicy叮|與女友嘈交阿媽一原因籲女方分手 港男:「嬲到爆炸」:https://bit.ly/3CQbLm6
Juicy叮|以為男友已移民加拿大 港女因一張相起疑心:https://bit.ly/3XxYJS1
 

相關帖文隨即引起熱議,不少人批評樓主男友的行為,並指「吓?咁樣做遲啲會唔會落埋毒藥?」、「缺常識,欠尊重,控制欲強,缺同理心」、「咁都有,咩人嚟」、「落藥已經好痴線,個身體係你,無人可以咁做囉」、「你男朋友係咪自己食瀉藥食到痴X咗線?呢啲男朋友真係分得,為咗幫你減肥,而喺你嘅嘢食到落藥,點知佢下次仲會落啲乜嘢?」等。不少人勸喻樓主分手,並指「咁痴線真係要分手」、「建議你都係佢嘅食物落瀉藥,畀佢體驗下你嘅感受,記得要喺佢返工前落,等佢返工嗰陣係咁屙。落完就可以分手啦,下個會更好」、「直接分手,唔洗諗」等。另外,有人則指出男友的行為屬違法,又指「其實咁樣係你唔知情嘅情況下落藥係犯法㗎喎」、「完全係犯罪」、「報警」、「請報警」等。

帖文來源:Dcard討論區

《星島頭條》APP經已推出最新版本,請立即更新,瀏覽更精彩內容:https://bit.ly/3yL