年中無休新春照鎖車 網民反嘲：屋苑夠唔夠鎖用先？｜Juicy叮
發佈時間：15:33 2023-01-20
屋苑鎖車隊不時叫車主聞風喪膽。不過，農曆新年一向違泊問題嚴重，網民見到「新年期間．照常鎖車」的預告時，即反客為主反嘲「我就驚佢唔夠鎖用」。
回應的網民見到這個位位320元開鎖費的鎖車預告時，一人一句嘲諷「新年大把『違例車』，夠唔夠（鎖車架）用先」、「我就驚佢唔夠鎖用」、「過年$320泊1日抵啦。夠唔夠鎖呀？」、「你屋苑有冇咁多鎖先好講啦」。
新春鎖車預告實況與網民回應：
有好眼的網民認出現場「似顯徑」、「大圍顯徑邨」，稱讚邨內的鎖車隊「勤力」、「真正年中無休」。有網友則指「春節期間冇收加二算唔錯」、「唔計雙倍已經畀面你」、「良心鎖車，沒有額外新年附加費」。
鎖車新年期間好生意
另有網民一本正經地指「啱啦。新年D屋苑路泊到滿。出入勁塞車」、「有錢去買車就無錢去泊車！四圍擺就梗係要負責啦！」、「新年期間才好生意呀，太聰明了」。
有網友則指「新年難搵位，有位擺車寧願畀佢哋鎖，開鎖費當停車場費」、「一齊畀320泊足一日，好過搵停車場」、「$320對車主來講濕濕碎、鎖咗就唔驚畀人偷車」。
帖文來源：屯門友
鎖車相關新聞：
Juicy叮｜黃埔天地穿梭巴區內被鎖 「自己人鎖自己人」惹議：https://bit.ly/3QPpRtH
Juicy叮｜違泊「勞斯萊斯」疑獲VIP式鎖車 網民：有錢人先做到？：https://bit.ly/3ZPPiiH
同場加映：
Juicy叮｜火辣性感女揸林寶堅尼 第一城買水10秒被鎖車釀衝突 網民疑事件為廣告：https://bit.ly/3iYMbEq
沙田第一城鎖車隊以極速鎖車聞名，網上早前瘋傳一段影片，有火辣性感女子駕駛林寶堅尼跑車到第一城，泊下到便利店買水，過程僅十秒即被鎖車，兩名懷疑是路人的男子經過見義勇為，與保安員爭執，惹來大批市民圍觀。不過，有眼利網民揭發事件有多個疑點，懷疑屬廣告宣傳。
沙田第一城鎖車隊行動：
鎖車相關新聞：
揸林寶堅尼第一城被鎖車否認賣廣告 性感女「封胸」贖車鞠躬道歉：https://bit.ly/3CXknHh
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
