P牌女司機貼告示求包涵 網民受落：講定聲大家就一就咪幾好｜Juicy叮
發佈時間：12:01 2023-03-23
一輛P牌私家車車尾貼上「新手女司機 請多多包涵」字句引起馬路之友關注，以「見親嗰啲都係細細張……呢張就好清晰」為題將相片上載至facebook討論區。
有人調侃不如「加個『靚』字會包涵得多啲」、「寫新手妙齡女司機應該會多人包涵啲」、「請多多包涵改做請勿跟咁近啦？」、「應該寫，新手女司機，請遠離」。
「新手女司機 請多多包涵」告示實況及網民回應：
從不少網民的回應可見，大家似乎對「新手女司機」畫面充滿期待，但被馬路之友提醒勿作過分演繹或有不必要的幻想，指從經驗所得，「次次貼咗車頭都係麻甩佬」、「一開門係佬嚟嘅」、「通常入面嗰個都係麻甩佬」，正如Baby in car入面冇BB一樣」。
另有網友形容溫馨提示的做法好比食了「誠實豆沙包」，讚「咪幾好lor，一早講定聲大家就一就」、「咁做正確，值得一讚」。
雖然做法普遍獲點讚，但也有「自我性別歧視」的質疑，回應的女網友卻稱「又未必係歧視自己嘅，我都係新手女司機，出路面有陣時比較緊張，希望大家體諒吓啫！」，另有人上載寫明「女私機燥底」的相片，指「都唔夠我霸氣」，甚至有人提倡「P牌男司機都整番張啦」。
帖文來源：車cam L
相關新聞：
同場加映：
的士司機疑邊「自凟」邊等客 天后街頭日光日白驚見「猥褻」的士
網絡近日熱傳一段的士司機，在的士站等客時懷疑自凟的影片，全程逾1分鐘，猥褻畫面疑被隔鄰食店食客拍到，引來網民熱議。
事發地點在港島天后琉璃街的士站，影片全長約1分鐘30秒，該的士站日常泊滿的士，鄰近有多間食肆，亦有不少路人行過。
直擊天后的士站 司機疑邊自凟邊等客↓↓↓↓
網民對事件議論紛紛，批評司機公然做猥褻行為，已涉嫌觸犯法例，「光天化日......太大膽，太變態。」不少網民將事件聯想至近日有男子提及「畀$500要司機幫自凟」的事件，「練習定！下次遇到$500客。」「召喚伍佰套餐。」「冇生意壓力大，減下壓啫。」「睇緊素海霖？」「個司機喺架車度做緊伸展運動。」
根據刑事罪行條例200章148條《在公眾地方的猥褻行為》，任何人無合法權限或合理辯解下，在公眾地方或公眾可見的情況下，猥褻暴露其身體任何部分，即屬犯罪，罪成可罰款2000元及監禁6個月。
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
