【歐國盃】三球霸氣炒瑞士意大利首隊晉十六強

更新時間：09:14 2021-06-17
發佈時間：04:53 2021-06-17

文路爾盧卡迪利（左）下半場禁區外射破瑞士門將恩尼森馬十指關。AP

意大利第一隊提早晉級歐洲國家盃十六強！中場文路爾盧卡迪利梅開二度，個人成為今屆目前為止最年輕入球球員，加上恩莫比尼埋齋，率意軍主場3:0大勝瑞士，提前一輪鎖定A組首兩名的出線資格，而且主隊各賽事十連勝入三十一球零失球，踢出霸氣向列強示威。

近八次對瑞士四勝四和不敗的意大利，開賽僅十分鐘即施下馬威，射手恩莫比尼禁區內接應左閘史賓亞蘇拿傳中一頂高出。三十六歲隊長基亞連尼十九分鐘接應左路角球破網，惟VAR指他手球在先推翻士哥，此子五分鐘後更因傷退下火線，由法蘭斯高阿沙比頂替。

幸而，意軍未受影響，更於二十六分鐘打破僵局。文路爾盧卡迪利中場大腳傳予右翼杜文尼高貝拉迪，自己再積極跑上前線，後者禁區右邊落底線地波傳中，文路爾盧卡迪利後上門前撞射破網，並以二十三歲一百五十九日之齡成為本屆迄今最年輕入球者。

瑞士下半場積極反撲不成，反而五十二分鐘又失守，文路爾盧卡迪利峨眉月頂無人看管下，輕鬆起左腳施以一記冷箭於龍門右下角入網。戰至六十四分鐘，意軍門將基安盧基當拿隆馬才作出本場第一次撲救，擋出瑞士中場史堤芬蘇巴禁區左邊窄角度抽射，後者再底線傳中，又被當拿隆馬撲出。

恩莫比尼八十九分鐘禁區外遠射中鵠，助意大利大勝3:0至完場，A組兩戰全勝排第一，以所有戰線十連勝，期間狂轟三十一球兼保持清白身強勢提早出線，最後一輪鬥次席的威爾斯爭首名晉級。瑞士兩戰只得一分，下場與零分的土耳其爭勝，博最佳第三名出線。