世界盃2022｜專欄：球王「特」登入多幾粒

更新時間：12:30 2022-11-22
發佈時間：12:30 2022-11-22

揭幕戰主隊卡塔爾在眾目睽睽嘅情況下，輕鬆輸波，假波傳聞不攻自破。借翁子光導演一句話︰「卡塔爾以這場球賽完美地證明了他們國家的廉潔。」。同時，按其亞洲盃冠軍嘅身分推斷，現今亞洲足球水平在世界舞台仍然係「三班馬跑級際賽」，陪跑都算不上。

場波無掙扎，但睇嗰班觀眾有，皆因要向女友解釋嗰球越位波，真係難倒不少男球迷，甚至受到女人的白眼︰「足球博士喎！越位都唔識？超！」

今晚又有亞洲球隊沙特登場，對住不少香港球迷最想佢攞世界盃嘅阿根廷，皆因大家都希望球王美斯能跳起足球生涯的最後探戈，舉起大力神盃。但近屆歐洲隊的優勢明顯，美洲隊未在賽績上顯示出有突破的改善，不看好。不如簡單啲，美斯學當年德國高路斯咁，在一場對沙特嘅波，趁地「腍」射入三粒，提前拿下神射手寶座啦！美斯入三球或以上有過十倍，入兩球都有五倍喎！另外推介讓球「-2」上盤。馬高

立即下載 | 全新《星島頭條》APP : https://bit.ly/3yLrgYZ