塞爾維亞領隊史杜高域,就係當年意甲嘅十號仔代表人物。AP
塞爾維亞領隊史杜高域,就係當年意甲嘅十號仔代表人物。AP


由球王美斯帶領的阿根廷,在世界盃首戰打出暫時最大冷門賽果,輸畀沙特阿拉伯。若果有睇場波嘅朋友就會明白,阿根廷嘅表現絕對沒有熱門風範,傳球速度慢、防中屏障脆弱,沙特能勝,係實力差距不大之故。

今晚輪到另一南美霸主巴西上陣,又會點呢?首戰對住塞爾維亞,呢個前南斯拉夫解體後嘅國家今屆已第三次參賽,在歐洲區外圍賽以六勝二和成績壓倒熱門葡萄牙,首名直接出線決賽周。由九十年代起,筆者就非常欣賞有「歐洲巴西」之稱嘅南斯拉夫,經常出現技術出眾又充滿創造力嘅球員,其領隊史杜高域就係當年意甲嘅十號仔代表人物。塞爾維亞陣中以意甲兵為主,祖記孖寶杜辛華荷域、菲臘高斯迪,拉素中場米連高域沙域等,係我愛隊意大利缺席下嘅愛的替身,能攻善守,球員大熟之年會有睇頭。

巴西今屆進幅極大,熱門有理,推介入球大同埋會玩下「同場過關」總入球4球&角球多於9.5球。馬高

立即下載 | 全新《星島頭條》APP : https://bit.ly/3yLrgYZ